Danayeli sɛ́wɔ 11:23 - LAWA A BOO SONBORE 2011

²³ Kɔn wɔ ma mɛn bɛ́ a laanka minin biin ni, á re n gɔn kuĩ bɛ lɛ-a, a ǹ bebele. A laanɛ min gigiã ba a kio wa, á re woe zia biɛ a gɔ̀lɔ̀baa yɛ.

Danayeli sɛ́wɔ 11:23 ပူးပေါင်းရင်းမြစ်များ

Siin Giala 34:13

Zakɔba a nɛgiĩn lɛn nə́ Sisɛmu laanka ǹ di Amɔɔrɔ lɛ si ka yiri woorobaa nɛ. A giala, Sisɛmu na á ǹ miãnɛn Diinaa ziziɛ̃.

Loen 52:2

Edɔmun giĩ Dowɛgi bɛ́ á daa pɛ kii Sayulu ni mà Davida tá Akiimelɛki a Kion.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Danayeli sɛ́wɔ 11:22

Zia-baalin mɛnɛn bɛ́ re die a gialaa, bɛn ba re boe la ǹ golee a nyɛɛn wa, á re ǹ tumaa dii. Lawa lɛ kɔ kɔn la wɔ ka tɔrɔ mɛn lɛ a minin ni, á re bɛn dɔn goledɛnaa goon dii.

Danayeli sɛ́wɔ 11:24

Là nyantoro din biikoo taãn kɛ li, gána lɛ a bǎãn mɛnɛn nə́ ke basiɛ̃ nɛ, á re woe walan. Ǹ din laanka ǹ digolon bɛ́ ǹ sii mɛn zɛnaa wa, á re bɛ zɛnɛɛ walan. A bɛ́ re mànan mɛnɛn goɛ, hinlaa á die ǹ sii gána lɛ a minin la, á re bɛ gii a kiodɛnan manɛ. Á re zoɛ̃ li mà a zia baa duru ǹ bǎã kakan kɛn ganaa, sɛnɛ, bɛ n die n zɛnɛɛ biikoo boɛɛn gɔ́ɔ̃ nɛ.

Danayeli sɛ́wɔ 8:24

Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Tesaloniki2 2:9

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.