Danayeli sɛ́wɔ 11:2 - LAWA A BOO SONBORE 2011

² Sisia kəni, man die taãn pii n ni: «Á ke, kii sɔɔ n die koɛ kɔn la Pɛrsi gána-n doo. A siibaa ǹ wɔ á re yui bɛn kio, pàãma lɛa, màn gigiã ná a lon á la gialakunun kɛn tumaa wɔ nɛ. A pàãmabaa lɛ taman yii, bɛ̀ á pàã yɛ ǹ mɛn waáraa, á re min tumaa sɔmɛ á ǹ kaa Grɛki minin pàã kɛ ganaa.

Danayeli sɛ́wɔ 11:2 ပူးပေါင်းရင်းမြစ်များ

Ɛsidrasi 4:24

Bɛ na á n baa Lawa a kion lɛ a dí a golee lɛa Zeruzalɛmu. Bɛa dí a golee lɛ belebɔ, yǎa á woo dɔ Pɛrsi gána a kii Dariusu a kiibaa lɛ̀ paabaa ǹ wɔ ganaa.

Ɛsidrasi 4:7

Artagizɛrɛsɛɛsi a kiibaa biikoo li, Bisilamu ni, Mitredaati ni, Taveeli ni, ka ǹ dinin miãn kɔsɔn nɛ, ǹ nə́ sɛ́wɔ kiɛ̃, ǹ nə́ dia Pɛrsi gána a kii Artagizɛrɛsɛɛsi la. Maǹ nə́ sɛ́wɔ lɛ kiɛ̃ ka Aramu sɛ́wɔ nɛn nɛ, ka Aramu bɔlɔ dɔ nɛ.

Ɛsit 1:1

Kii Zɛrzɛsi bɛ́ á goã pàã la ǹ mɛn waáraa, a na á goã gána paabiɛ ka fuəwensɔbaa (127) mìi la. A n kuĩ Ɛndi gána ganaa a wo yǎa Etiopii gána nɛ.

Suusun 22:21

màn mɛn bɛ́ toɛ n boo pepere da ǹ gɔn yɛ, a n ka te. Min mɛn bɛ́ n diɛ dí ganaa, n tá re dia dí-a wole sonbore biɛ a gɔn.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 11:25

A yii bɛ́ á kã a din ni, a foo dɔ́ n tã, á re woe gusin a lɛ̀gɔn la a kii lɛ gialaa, ka zia-baali gigiã nɛ. Gusin a lɛ̀gɔn la a kii lɛ á re bɛa zia lɛ biɛ ka zia-baali kakan nɛ, mɔnaa nɛ taãn-taãnɛ. Sɛnɛ, a re boe la a golee a nyɛɛn wa, a giala, ǹ tá re n duri, ǹ boo wɔ kɔn a ganaa.

Danayeli sɛ́wɔ 7:5

Bɛ kio, bɛ̀ tɔɔ lɛ a paabaa ǹ wɔ á ke ka gòon màn gole kɔn bɛ́ lɔn. Á yoo á golee a wàã goon la, ka garasa we sɔɔ ná a lɛ-n, a sɔn nə́ ǹ ganaa. Ǹ nə́ tɔ́n pɛ nɛ, mà a yoo a golee lon duduu, a siĩ gigiã sɔ̃.

Danayeli sɛ́wɔ 8:21

Butumu ke Grɛkin kii kɛ n ka bɛ nɛ. Bɛn gole mɛn goã a baãbii, kii lɛ a bibinaa kɛ n ka bɛ nɛ.

Danayeli sɛ́wɔ 8:26

N sii mɛn yɛ wasamiɛ̃n laanka baayɛlɛ wɔ paǹ li, ka a bɛ́ á n pɛ lɔn, taãn nɛ. Sɛnɛ, bɛa sii-yɛ kɛ lɛ a boo toa n gɔ́ɔ̃ nɛ, a giala, sii lɛ a zɛnaa wɔlɔ á tɔn sɔsɔɔ bɔrɔ.»

Danayeli sɛ́wɔ 8:4

Má sère gɔ̀lɔ̀ lɛ yɛ zia biɛ lɛ̀nyɛɛn ganaa, gɔsɛ a lɛ̀gɔn la nɛ ka gusin a lɛ̀gɔn la nɛ. Tɔɔ kɔn goã boe la á n golee a nyɛɛn wa, la n bǎã ba min kɔn lon wa. A na á goã sii zɛnɛɛ a din dùũ li miɛ̃, màn nə́ miɛ̃ a pàã li woe.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Zaã a sɛ́wɔ 10:35

Lawa a boo bɛ́ màn mɛn pii, ka á doɛ̃, mà min kɔ́n ba boe la a bɛ sàabaa wa. Lawa na a dí-pɛn lɛn kɔ min mɛnɛn la bibinaa nɛ, á ǹ baa sii yɔrɔ-bɔlen lɛa, a n bɛn lɛn bíi mà "lawan".

Sii-nyaan 21:5

Min mɛn bɛ́ kii dankan nɛ, bɛ́ tɔ́n pɛ: «Kanna, má màn tumaa zɛnaa dii lɛa.» Á tɔ́n pɛ ma nɛ: «Kɛ kiɛ̃, a giala, masɛ a boon man taãn lɛa, ǹ nə́ kɔnboe ka foo doamaa nɛ.»