Danayeli sɛ́wɔ 11:18 - LAWA A BOO SONBORE 2011

¹⁸ Bɛ kio, gɔsɛ a lɛ̀gɔn la a kii lɛ á re n yɔrɔ diɛ yìsi mu lɛ-a basan kɛn li, a bǎã gigiã si a baa a wɔ lɛa. Sɛnɛ, goledɛnaa goon tá re die, a na a din gole kɔ ǹ siin kɛn lɛn gɛ̀ dòo bɔ a ganaa, a na a bɔ a gɔn lɛ-a.

Danayeli sɛ́wɔ 11:18 ပူးပေါင်းရင်းမြစ်များ

Ɛsit 10:1

Kii Zɛrzɛsi lɛ nyin giɔ̀mɔ saraa da gána lɛ mìi ni, ka gána sɔsɔɔn kɛn nɛ.

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Zeremii 2:10

Ka wo bǎã sɔsɔɔ kɛ nɛ Grɛki, ka ga a ganaa, ka wo Kebaaraa Larabun kɛn li, ka nɔ̀n da. Ka á re yii, mà sii kɛ miã bin nə n zɛnaa wa.

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Ezekieli 27:6

N mu baa ǹ lasan kɛn, maǹ nə́ bɛn zɛnaa ka Basan da gɔn nɛ. N giã ǹ bǎã ke, maǹ nə́ bɛ zɛnaa ka Kitimun siprɛsi da kɛa gɔn nɛ ǹ na a nyan kɔ ka don a díi sɔn nɛ.

Ozee 12:14

Lawa a boo gii-daali goon barka nɛ, Dɛnaa Lawa Izirayeli bɔ Ezipti gána nɛ á soo ne. Lawa a boo gii-dali goon barka nɛ, a ná a lɛduə̃.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.