Danayeli sɛ́wɔ 11:11 - LAWA A BOO SONBORE 2011

¹¹ Gusin a lɛ̀gɔn la kii lɛ foo á re yui. Á re soe a zia baa gɔsɛ a lɛ̀gɔn la a kii lɛ ganaa, ka zia-baali damata nɛ. Ǹ tá re boe gɔsɛ a lɛ̀gɔn la wɔn lɛn la.

Danayeli sɛ́wɔ 11:11 ပူးပေါင်းရင်းမြစ်များ

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Zeremii 27:6

Kanna kəni, man die kaa gánan kɛn tumaa kiɛ maa dí-nyali *Baabiloniin kii Nebukadenezɔɔrɔ a pàã giulun. Gòon-mànan dinin tá re a dí nya ǹ mànan biɛ.

Danayeli sɛ́wɔ 11:12

Bɛ̀ ǹ nə́ bɛa zia-baali damata kɛ lɛ dɛ ǹ nə́ bɔ bii-a, gusin a lɛ̀gɔn la a kii lɛ á re n din gole koe. Á re zia-baali damata dii sɛn, sɛnɛ, a na a re gɔ̀lɔ̀baa yii wa.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 11:44

Sɛnɛ, boo mɛn bɛ́ re n toɛ lɛ̀giala li ka gɔsɛ a lɛ̀gɔn la nɛ a daa, bɛ á re nyɛ́ɛ diɛ a ganaa. Á re soe ka a foo ne, mà asɛ n woe min gigiã dii.

Danayeli sɛ́wɔ 11:5

Kii mɛn bɛ́ re giɛ̃ gusin a lɛ̀gɔn la a gána kɛ mìi la, pàã á re goɛ̃ bɛ lon. Sɛnɛ, a zia-baali goledɛnaa goon tá re pàã yii a la a din ni. A pàã lɛ gɔn lɛ á re gole koe a la a wɔ nɛ.

Danayeli sɛ́wɔ 2:38

Lawa lɛ minbuiinin wɔ n gɔn, don mànan nɛ ka bàanan nɛ. Haalɛ ta maǹ bǎã woo bǎã, Lawa na á n koa ǹ tumaa mìi la. Màn nyín lɛ mìi kɛ lɛ sana lɛa, n din kii ni.

Danayeli sɛ́wɔ 8:7

Má yɛ á woo á dɔ sère gɔ̀lɔ̀ lɛ li, á n tele li ka a foo ne. Á sère gɔ̀lɔ̀ lɛ dɛ á ná a bɛn màn paa lɛ yiɛ, sère gɔ̀lɔ̀ lɛ boo la á golee a nyɛɛn wa. Á dɛ á da tán, á tuturu tán, min kɔn yɛ á sère gɔ̀lɔ̀ lɛ kũ á si la wa.