Danayeli sɛ́wɔ 10:8 - LAWA A BOO SONBORE 2011

⁸ Ǹ nə́ ma dinsɔɔ̃ toa walan kəni, má goã giɛ bɛa sii-nyaa gole lɛ ganaa. Pàã goon din goã ma lon doo wa, ma yɔrɔ dɔ nə́ n bɔyaa á ziziɛ̃. Pàã goon din goã ma lon wa.

Danayeli sɛ́wɔ 10:8 ပူးပေါင်းရင်းမြစ်များ

Siin Giala 32:31

Zakɔba bɛa bǎã lɛ bíi Penuweli bɛ giala mà "Lawa Yɔrɔ". Á pɛ: «A giala, má Lawa yɛ yii laanka yii, ma yii dɔ wusoo á goã koo.»

Bɔ bɛ̀rɛbaa nɛ 3:3

Muizu pɛ: «Man die n bɔyɛɛ ma ga yii a màn yɛ gole kɛ ganaa. Wàa na á baa daãn lɛ a kuĩ wa?»

Danayeli sɛ́wɔ 10:16

Bɛ kio, bɛ̀ minbuiin nɛ a kɔnboe á ke, bɛ nə́ n gɔn da ma lɛ ganaa. Má tɔ́n nə n lɛ bũ má boo da. Min mɛn lɛ bɛ́ golee-n ma nyɛɛnɛ, má pɛ bɛ nɛ: «Maa dɛnaagiĩ, ma sii mɛn yɛ, bɛ lɛ na á nyɛ́ɛ da ma ganaa, pàã din ba ma lon doo wa.

Danayeli sɛ́wɔ 10:17

Maa dɛnaagiĩ, masɛ miã kooro kɛ n siɛ lɔn, ma tɔn golee n yɔrɔ-a, ma boo da? A giala, pàã ba ma lon doo wa, fɔfoã dɔ din ba ma-n wa.»

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Danayeli sɛ́wɔ 8:7

Má yɛ á woo á dɔ sère gɔ̀lɔ̀ lɛ li, á n tele li ka a foo ne. Á sère gɔ̀lɔ̀ lɛ dɛ á ná a bɛn màn paa lɛ yiɛ, sère gɔ̀lɔ̀ lɛ boo la á golee a nyɛɛn wa. Á dɛ á da tán, á tuturu tán, min kɔn yɛ á sère gɔ̀lɔ̀ lɛ kũ á si la wa.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Matiə 17:6

A kialandɛnan lɛn bɛ́ ǹ nə́ bɛa boo lɛ ma, nyɛ́ɛ nə́ ǹ kũ parsiini, ǹ nə́ bɔ ǹ nə́ kaa, ǹ nə́ n yɔrɔ kɔ tán lɛ.

Marki 9:6

Nyɛ́ɛ nə́ ǹ tumaa kũ parsiini. Bɛ lɛ nɛ, Piɛrɛ din yii a boo kɔsɔ ganaa á diɛ á kiɛ̃ bɛ lɛ la wa.

Zaã a sɛ́wɔ 16:32

Á ke, biikoo kɔ́n tá re doe, á dɔ dinin, ka á re sawɛɛ, didie wo a piɛ, ka masɛ dinsɔɔ̃ toa walan. Sɛnɛ, ma bie ma dinsɔɔ̃ wa, maa Díi tá kun ka ma nɛ.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.