Danayeli sɛ́wɔ 10:16 - LAWA A BOO SONBORE 2011

¹⁶ Bɛ kio, bɛ̀ minbuiin nɛ a kɔnboe á ke, bɛ nə́ n gɔn da ma lɛ ganaa. Má tɔ́n nə n lɛ bũ má boo da. Min mɛn lɛ bɛ́ golee-n ma nyɛɛnɛ, má pɛ bɛ nɛ: «Maa dɛnaagiĩ, ma sii mɛn yɛ, bɛ lɛ na á nyɛ́ɛ da ma ganaa, pàã din ba ma lon doo wa.

Danayeli sɛ́wɔ 10:16 ပူးပေါင်းရင်းမြစ်များ

Bɔ bɛ̀rɛbaa nɛ 4:10

Muizu pɛ Dɛnaa nɛ: «Dɛnaa, ma nə n nyankoe, masɛ a boe boo la wa. Bɛ bie á n giala kɔ gunun wa, giĩ bie wa, a kũ n din a boo da masɛ-n ganaa, ma tɔn nə n bɔyaa wa. Ma lɛ á guguru.»

Bɔ bɛ̀rɛbaa nɛ 4:13

Muizu pɛ: «Dɛnaa, ma nə n nyankoe, min kɔsɔ mɛn bɛ́ kɔɔ̃nɛ n ganaa, bɛa dɛnaa dia a wo boo kɛ lɛ pɛ.»

Boo-laakalaali 1:18

A giala, bɛ̀ sii-doɛ̃ gole tá n lon, n taasiɛ dɔ n mɔnɛɛ. Bɛ̀ ń màn da n doɛ̃ li, màn nə miɛ̃ n nɔmaa dɔ li.

Izayii 6:7

Á bɛa tɛ nàn lɛ naa ma lɛ ganaa, á pɛ ma-n kɛnɛn: «A saa sisia ganaa, tɛ nàn kɛ mɛ n lɛ ganaa lɔn, n sãn nə́ n toa n nɛ, n sii baraan nə́ n tuturu.»

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Ezekieli 1:26

Bara mɛn lɛ goã ǹ mìi lalan, kii dankan a kɔnboe na á goã bɛ lalan, tɛ pii ka kɔlɔ bɔlaan kɛ bɛ́ lɔn. Min a kɔnboe dɔ na á goã bɛa kii dankan lɛ lalan lon.

Ezekieli 3:27

Sɛnɛ, bɛ̀ ma boo da n nɛ ǹ mɛn waáraa, ma á re n lɛwɔn fore, n pɛ ǹ nɛ: «Dɛnaa Lawa n kɛ pii.» Bɛ̀ min mɛn tá n too koe, bɛa dɛnaa nə n too kɔ. Bɛ̀ min mɛn ba li a n too kɔ wa, bɛa dɛnaa baran n too kɔ wa: Tɔrɔ piã-wɔlen manɛ.

Ezekieli 33:22

Wasamiɛ̃nɛ, Dɛnaa Lawa pàã gisĩ ma la, á ma lɛ bũ. Bɛa lɛawaa baayɛlɛ, baa si á la wole lɛ daa á dɔ ma li. Maa lɛ tere-a baa lɛ, bɛ nya, má boo la má boo da bɛa biikoo li.

Danayeli sɛ́wɔ 12:8

Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 4:19

Kii, bɛa da kɛ lɛ, n din ni! A giala, n dɔ nə n gole kɔ, ń pàã yɛ ka da kɛ lɛ bɛ́ lɔn. N golebaa lɛ nə́ n da wɔlɔ la, á woo yǎa lon, n goledɛnaabaa lɛ woo yǎa kanaa paǹ tumaa ganaa.

Danayeli sɛ́wɔ 7:15

Masɛ Danayeli, ma yiri nə́ n lɔlɔkɔn, ma siin mɛnɛn yɛ, ǹ nə́ nyɛ́ɛ da ma-a.

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 8:15

Masɛ Danayeli bɛ́ má bɛa sii kɛ lɛ ma, man má goã n taasɛ nɛ, máa ma a giala ma. Bɛa biikoo li, màn kɔn daa golee ma yɔrɔ-a ka minbuiin nɛ bɛ́ lɔn.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Danayeli sɛ́wɔ 8:18

A bɛ́ boo diɛ ma nɛ, ma yiri nə n si ma la, má bɔ má mɛnaa ma lɛ la tán. Ma goã golee-n bǎã mɛn nɛ, á wusoo á ma kũ á ma da lon walan.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Danayeli sɛ́wɔ 9:21

Ma bɛ́ tɔn na a gialaa Lawa nyankoe, ma goã má lon a dia dí-a wole Gabarayeli mɛn lɛ yɛ bibinaa nɛ, bɛ́ piɛ̃ á daa ma li ka baa nɛ, wasamiɛ̃n a wúlu-bɔ biikoo li.

Luku 1:64

A din bǎã-n gɔrɔ Zakarii dɔ́ boo la á boo da, yǎa a yoo á n Lawa tɔ boe.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»

Sii-nyaan 1:13

Màn goon goã ǹ bii ka minbuiin bɛ́ lɔn, á dɔnkɛ sasa wɔ yǎa a gòãn-a tán, á sana mabɛlɛ yii a foo bii.

Sii yɔrɔ-bɔlen 13:8

Manoa tɔn Dɛnaa Lawa nyankɔ á pɛ: Dɛnaa Lawa, bɛ̀ nɛginin lɛ yɛ, wɔ doamaa bɛ nɛ wɔ sii mɛn zɛnaa nɛ, wusoo n Lawa a min lɛ dia a da bɛ nyaa wɔsɛn manɛ.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.

Sii yɔrɔ-bɔlen 6:15

Sɛnɛ Zediɔ̃ pɛ nɛ: Maa dɛnaagiĩ, kaarɛ! Masɛ n die Izirayeli minin lɛn sii lɔn? Manaasee tɔrɔn bii, masɛ din a tanlɛ minin man doobaan lɛa. Ma di kion minin bii, masɛ din nə ǹ tumaa a kiɛɛrɛ lɛa.