Danayeli sɛ́wɔ 10:13 - LAWA A BOO SONBORE 2011

¹³ Pɛrsin kii mɛn bɛ́ Pɛrsi gána kɛ tamaɛ, bɛ́ yɔ bɔ ma ganaa yǎa lɛawaa fuəwengoon. Sɛnɛ, lon a dia dí-a wolen goledɛnaa Mikayeli daa n dɔ ma lɛ. Má nɔmaa má goã Pɛrsin kiin li.

Danayeli sɛ́wɔ 10:13 ပူးပေါင်းရင်းမြစ်များ

Ɛsidrasi 4:24

Bɛ na á n baa Lawa a kion lɛ a dí a golee lɛa Zeruzalɛmu. Bɛa dí a golee lɛ belebɔ, yǎa á woo dɔ Pɛrsi gána a kii Dariusu a kiibaa lɛ̀ paabaa ǹ wɔ ganaa.

Danayeli sɛ́wɔ 12:1

Lon a dia dí-a wole lɛ wusoo á pɛ kɛnɛn: Bɛa biikoo li, Mikayeli á re yui, lon a dia dí-a wolen goledɛnaa lɛ á re yui, a din nə die n doe n tɔrɔn lɛn lɛ. Bɛa biikoo lɛ n die goɛ̃ nɔmaa gole biikoo lɛa, nɔmaa mɛn miã bɛ́ a tɔn yɛ wa, a saa tɔrɔn tá kanaa biikoo ganaa, a da dɔ bɛa biikoo lɛ ganaa. Bɛa biikoo li, n zaman lɛ á re kirisibiɛ, min mɛnɛn tumaa tɔ bɛ́ kiɛ̃-n sɛ́wɔ kɛ nɛ, bɛn tá re kirisibiɛ.

Efɛɛzi minin 6:12

A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

Tesaloniki1 2:18

A na á goã wɔ gɔ́ɔ̃ nɛ, wáa wɔ wusoo wɔ da bɔ ka li. Ma dinmaa Pooli ná a lɛn zɔɔ̃ gunyin gigiã, sɛnɛ, *Sɛtaan wɔ kurəə a ganaa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Zude 1:9

Lon a dia dí-a wolen goledɛnaa Miseli din bɛ zɛnaa wa. A laanka *Sɛtaan bɛ́ zia diɛ ǹ mɛn waáraa, ǹ nə́ kɔn liere koe Muizu gere ganaa, Miseli lɛ kɔ, á dɔlɔ da Sɛtaan mìi ni, a sɔ kɔ Muizu ganaa kɛ a lɛa wa. A na á pɛ kooro mà «Dɛnaa Lawa die a dɔlɔ bɔ n ganaa!»

Sii-nyaan 12:7

Bɛ na á n baa lon mànan kɔn-dɛ á yoo lɛa. Lon a dia dí-a wolen goledɛnaa Miseli, bɛ laanka lon a dia dí-a wole gialakunun kɛn nə́ zia baa tɔɔ babaraa piɛ̃ wole lɛ ganaa. Tɔɔ babaraa piɛ̃ wole lɛ dɔ laanka a dia dí-a wolen nə́ zia baa ǹ ganaa,