Danayeli sɛ́wɔ 10:12 - LAWA A BOO SONBORE 2011

¹² Á wusoo á pɛ ma-n doo: «Danayeli, n baran nyɛ́ɛ baa wa. A giala, a saa a lɛawaa bibinaa pinaa ganaa, n nə́ n din gisĩ Lawa giulun, n giɛ li mà n boon kɛn lɛn giala ma, ǹ giala nə́ n ma. N boon kɛn lɛn man nə́ daa ka masɛ nɛ.

Danayeli sɛ́wɔ 10:12 ပူးပေါင်းရင်းမြစ်များ

Loen 69:10

Sonbore, ma bɛ́ n kion lɛ narɛ ka yɔrɔ mɛn nɛ, bɛ n ma kuĩ ka tɛ bɛ́ lɔn. Maǹ sɔ koe n ganaa, ǹ sɔ-kɔn kɛn lɛn man doe masɛ ganaa.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Danayeli sɛ́wɔ 10:11

Giĩ lɛ tɔ́n pɛ ma nɛ: «Danayeli, n sii á kɔɔ̃n Lawa nɛ. Ma bɛ́ boon mɛnɛn pii n ni, n doa n bɛn giala ma. Yoo n golee lon n bǎã nɛ, a giala, Lawa na á ma dia n din li biikoo kɛ gɔ́ɔ̃ nɛ.» A bɛ́ a gialaa bɛa boo lɛ pii ma nɛ, má yoo má golee lon, ma gɔ̀nɔn yii n bìn diɛ.

Danayeli sɛ́wɔ 10:19

Á tɔ́n pɛ ma nɛ: «N baran nyɛ́ɛ baa wa, n sii á kɔɔ̃n Lawa ganaa. Là nyantoro die a giã n li! N gù we yii, n nə n foo taã! A bɛ́ a gialaa boo diɛ ma nɛ, ma gù wusoo á kaa.» Má tɔ́n pɛ: «Maa dɛnaagiĩ, boo da, a giala, n ma gù kaa.»

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 16:31

Ka bɛa lɛawaa kɛ lɛ koa *susu ǹ pii lɛa, bɛ̀ ka n susu li, ka n lɛ sɔɔ. Bɛ n landa lɛa yǎa duduu.

Minin nimi 29:7

Lɛ̀ a mui sɔbaabaa ǹ wɔ kɛ a lɛawaa fùbaa ǹ wɔ pinaa, ka die ka n sɔkɔn ka Dɛnaa Lawa guguru kɔ, ka n lɛ sɔɔ, ka n ka a ǹ gɔn diɛ dí kaka kɔn ganaa wa.

Matiə 28:10

Yezu tɔ́n pɛ ǹ nɛ: «Ka baran nyɛ́ɛ baa wa. Ka wo pɛ ma dɔɔ̃nɔn manɛ, mà ǹ wo Galilee gána nɛ, ǹ tá re die masɛ yiɛ walan.»

Matiə 28:5

Lon a dia dí-a wole lɛ tɔ́n pɛ lɔn lɛn manɛ: – Ka baran nyɛ́ɛ baa wa. Masɛ á doɛ̃ máa minin nə Yezu mɛn dere gɔn ganaa, ka ǹ giɛ bɛ lɛ li.

Marki 16:6

Sɛnɛ, á tɔ́n pɛ ǹ nɛ: «Ka baran nyɛ́ɛ baa wa, ma á doɛ̃ máa minin nə Nazarɛtin Yezu mɛn dere gɔn ganaa, máa ka n giɛ bɛ lɛ li. A yii wusoo á kaa, a ba kànaa wa. A n da bǎã mɛn nɛ, á ke, ka ga a ganaa.

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 1:30

Lon a dia dí-a wole lɛ tɔ́n pɛ nɛ: «Mariya, n baran nyɛ́ɛ baa wa, Lawa na á bǐɛ̃ gole baa n nɛ.

Luku 2:10

Lon a dia dí-a wole lɛ mà ǹ ganaa: «Ka baran nyɛ́ɛ baa wa! Á ke, masɛ n má daa boo kɔɔ̃n pɛ ka nɛ, màn mɛn nə́ die gána kɛ a minin tumaa foo kɔɔ̃n koe parsiini.

Luku 24:38

Yezu pɛ ǹ nɛ: «Wàa mɛn yiri lɔlɔkɔn nɛ? Wàa na á baa golee sii goon la ba ka foo-n wa?

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.