Danayeli sɛ́wɔ 10:1 - LAWA A BOO SONBORE 2011

¹ Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 10:1 ပူးပေါင်းရင်းမြစ်များ

Siin Giala 41:32

Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

KZS2 36:22

Pɛrsin kii Siirusu a kiibaa lɛ̀ bibinaa li, Dɛnaa Lawa goã á boo mɛn wɔ Zeremii lɛ-n, a n li bɛ nə n zɛnaa. Á tɔn Siirusu yiri bũ mà a sɛ́wɔn kɛn nyaa gána lɛ tumaa nɛ. Siirusu bɛa boon lɛn pɛ gána lɛ tumaa nɛ, á baa sɛ́wɔ-kiɛ̃ lɛa dɔn dinin á dia:

Ɛsidrasi 3:7

Bɛ kio, ǹ nə́ wɔrɔ kɔ kɔlɔ-sɛlɛlin laanka gɔn dí-nyalin la. Màn-bii ni, mi ǹ mànan nɛ, ka nyɔɔ nɛ, ǹ nə́ bɛn dɔn kɔ Sidɔn minin laanka Tiiri minin la, màn mɛn bɛ́ toɛ, ǹ nə n toa Liban ǹ *sɛdrə gɔn kaa yìsi mu la, ǹ da nɛ yǎa Zafa kiwi, a kɔnpɛ ka Pɛrsi gána a kii Siirusu a zii kɔ ǹ la nɛ.

Ɛsidrasi 4:3

Sɛnɛ, Zorobabeli ni, Zozoe ne, ka Izirayeli a kɛdɛnan lɛn gialakunun ni, bɛn nə́ pɛ ǹ nɛ kɛnɛn: «A kɔnbɔ, ka laanka wɔsɛn nə kion dɔ kun wɔa Lawa wɔ lɛa wa. Wɔ dininsɔɔ̃nɔn doamaa nɛ wɔ kion dɔ Izirayeli a Lawa, Dɛnaa Lawa lɛ wɔ lɛa, ka Pɛrsi gána a kii Siirusu pɛ wɔsɛn man lɔn.»

Ɛsidrasi 4:5

Ka bɛ dɔ nɛ, ǹ nə́ yiri kɔ minin la wolen lɛ pii, ǹ nə́ ǹ kaa Zudaa tɔrɔn lɛn ganaa, màn mɛn bɛ́ toɛ, ǹ nə ǹ dí lɛ ziziɛ̃. Bɛ na á goã miɛ̃ Pɛrsi gána a kii Siirusu a biikoo tumaa gɔ́ɔ̃ nɛ, á daa dɔ Pɛrsi gána a kii Dariusu a kiibaa biikoo ganaa.

Ɛsidrasi 6:14

Zuifun min golen lɛn nə́ boo la ǹ nə́ woo nyɛɛnɛ ka kion lɛ a doe ne, ka Lawa goã á ná a boo gii-dali Azee laanka Idoo a nɛgiĩ Zakarii da a pɛ ganaa lɔn. Ǹ nə́ kion lɛ a dɔ gɔn nyɔmɔɔ á kɔnpɛ Izirayeli a Lawa a gɔn-waa nɛ, ka Pɛrsi gána a kiin kɛn dɔn gɔn-waa nɛ, Siirusu ni, Dariusu ni ka Artagizɛrɛsɛɛsi ni.

Ɛsidrasi 6:3

«Kii Siirusu a kiibaa lɛ̀ bibinaa li, á goã á boo da Lawa a kion kɛ wɔ gɔn la Zeruzalɛmu: kion lɛ n die wusii a n dɔ, a n baa bǎã lɛa, bǎã mɛn nə́ ke, ǹ nə́ Lawa a wúlu boe a nɛ. Ǹ die ǹ kion lɛ giala wɔ tán kaka. A wo lon die a goã mɛtərə pɔsɔɔ, a gùrù kunun dɔ goã mɛtərə pɔsɔɔ.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Danayeli sɛ́wɔ 1:17

Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 1:21

Bɛ lɛ nɛ Danayeli goã walan, yǎa kii Siirusu a pàã saa lɛ̀ bibinaa li.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 11:2

Sisia kəni, man die taãn pii n ni: «Á ke, kii sɔɔ n die koɛ kɔn la Pɛrsi gána-n doo. A siibaa ǹ wɔ á re yui bɛn kio, pàãma lɛa, màn gigiã ná a lon á la gialakunun kɛn tumaa wɔ nɛ. A pàãmabaa lɛ taman yii, bɛ̀ á pàã yɛ ǹ mɛn waáraa, á re min tumaa sɔmɛ á ǹ kaa Grɛki minin pàã kɛ ganaa.

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 12:9

Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 2:21

A din nə biikoon laanka siin koɛ kɔn la, A din nə kii koɛ, a din nə kii boe a bɔ kiibaa nɛ. A din nə sii-doɛ̃ koe sii doɛ̃-wɔlen la, a din nə yiri koe sii giala malin la.

Danayeli sɛ́wɔ 4:8

Da lɛ gole kɔ, á gegere kɔ, a sasabaa woo yǎa lon a labaran ganaa, ta min nə kanaa lɛ gùrù mɛn-a, a yii na a ganaa.

Danayeli sɛ́wɔ 5:12

A giala, ǹ nə́ yɛ mà yiri tá bɛa Danayeli lɛ lon á la yii ni. Màn-doɛ̃ laanka sii giala ma tá a lon, á boe la a narɛɛn giala pɛ, a sii-duriin nyaa, a sii kakan yɔrɔ bɔ. Bɛa Danayeli kɛ lɛ, kii Bɛlsazaarabaa wɔ a ganaa, ka bɛ lɛ bíi a da sisia. Sɛ́wɔ-kiɛ̃ lɛ bɛ́ sii mɛn giala pii, á re bɛ nyɛɛ ka nɛ.»

Danayeli sɛ́wɔ 5:17

Danayeli tɔ́n pɛ kii ni kɛnɛn: «N bɛ́ li n masɛ gɔ ka mànan mɛnɛn nɛ, n din nɔmɔ ǹ ganaa. N bɛ́ li n ma guguru kɔ ka mànan mɛnɛn nɛ, ǹ kɔ min kɔsɔn la. Sɛnɛ, masɛ á re sɛ́wɔ-kiɛ̃ lɛ pii, ma a giala dɔ pɛ n nɛ.

Danayeli sɛ́wɔ 6:28

A din nə min boe sii ni, a din nə min kirisibiɛ. Sii nyaa ǹ siin laanka kaãbaa ǹ sii dadaran kɛn, a din nə bɛn zɛnɛɛ lon laanka tán nɛ. Sonbore, a din na á Danayeli si yàran la á da.»

Danayeli sɛ́wɔ 8:16

Má tɔ́n min lɛ ma boe Ulayi tà kɛ bii, n lɛ dii pii kɛnɛn: «Gabarayeli, sii-nyaa lɛ giala pɛ kɛ a dɛnaa kɛ nɛ!»

Danayeli sɛ́wɔ 8:26

N sii mɛn yɛ wasamiɛ̃n laanka baayɛlɛ wɔ paǹ li, ka a bɛ́ á n pɛ lɔn, taãn nɛ. Sɛnɛ, bɛa sii-yɛ kɛ lɛ a boo toa n gɔ́ɔ̃ nɛ, a giala, sii lɛ a zɛnaa wɔlɔ á tɔn sɔsɔɔ bɔrɔ.»

Luku 1:20

Ma bɛ́ má siin mɛnɛn pɛ n nɛ, bɛn man die n zɛnɛɛ ǹ kɔnpɛ ǹ biikoo ne. Sɛnɛ, n bɛ́ n lɛ kɔ ǹ-a wa, bɛ lɛ taman yii, n tá re lɛ tere-a biɛ, n ba re boe la n boo da wa, yǎa bɛa siin kɛn lɛn zɛnaa pinaa doe.»

Sii-nyaan 19:9

Lon a dia dí-a wole goon tɔ́n pɛ ma nɛ: «A kiɛ̃ sɛ́wɔ nɛ: Ǹ min mɛnɛn bíi Sère Nɛ a kɔn-wɔ ǹ zɔ́n màn-bii kɛ ganaa, bɛn foo á re kɔɔ̃n koe.» Á wusoo á pɛ doo: «Lawa din na á pɛ miɛ̃.»