Danayeli sɛ́wɔ 1:9 - LAWA A BOO SONBORE 2011

⁹ Lawa tɔn bǐɛ̃ kɔ Danayeli ganaa, a ná a sii kɔɔ̃n kɔ dí-nyalin goledɛnaa lɛ ganaa.

Danayeli sɛ́wɔ 1:9 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Kiin1 8:50

N zaman mɛn lɛ á ke ǹ nə́ sã ǹ nə́ wɔ n lon, bɛn sã toa ǹ nɛ. Ǹ gòãn dii ǹ siin mɛnɛn tumaa zɛnaa, bɛn toa ǹ nɛ. Ǹ bɛ́ min mɛnɛn gɔn bɛ̀rɛn lɛa, a toa ǹ makara bɛn kũ, ǹ makara bɔ ǹ ganaa.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 2:4

Kii lɛ nɔ̀n da ma la: «N nə n giɛ wàa mɛn li?» Má tɔ́n lon a Lawa nyankɔ.

Ɛsit 2:9

Nɛlɔ ten Ɛsitɛɛrɛ lɛ sii kɔɔ̃n kɔ Egee ganaa, a sii kaa a foo la. Egee nə́ n nanaa, lɔ ǹ nyɔɔn mɛnɛn bɛ́ min siĩn koe, á bɛn kɔ Ɛsitɛɛrɛ la ka Ɛsitɛɛrɛ a màn-bii ni. Ǹ nɛlɔ sɔbaa mɛn bɔ kii a piɛ, Egee bɛn dɔn kaa Ɛsitɛɛrɛ giulun. Bɛ kio, á Ɛsitɛɛrɛ bɔyaa kun ka bɛa nɛlɔn lɛn nɛ, á da lɔn kion kɛ a sonbore ne.

Zɔbu 5:15

Lawa din nə doobaa kirisibiɛ ǹ lɛwɔn kiɛ kɛ ganaa. A din nə doobaa gɔsiɛ a bɔ ǹ gɔn kaka kɛ nɛ.

Zɔbu 5:16

Foo-doa tá pàãwɛɛnaa lon, sii kɔkɔrɔ-zɛnaalin sɛn tá re n lɛ tiɛ̃.

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Loen 4:3

Ee minin! Ka n die ma piɛ̃ boe kɛnɛn yǎa biĩ? Ka n die min zɛ̀rɛ baa kooro narɛ yǎa biĩ? Ka n die baa sii soɛ kio kɛnɛn yǎa biĩ? *Doa

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Danayeli sɛ́wɔ 1:10

Sɛnɛ, dí-nyalin goledɛnaa lɛ pɛ Danayeli ni kɛnɛn: «Man nyɛ́ɛ biɛ maa dɛnaagiĩ kii lɛ nɛ, a giala, ka doamaa bɛ́ nɛ ka màn mɛn bii, ka màn mɛn mi, a din na á bɛ pɛ á koa tán. Bɛ̀ maa dɛnaagiĩ lɛ ka yɛ ka n pɛrɛ ka n liɛ ka miã lɛn manɛ, ka n die sii siɛ ka da masɛ mìi ni, ma nyin nɔmaa a goã a nɛ kii gɔn.»

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.