Danayeli sɛ́wɔ 1:17 - LAWA A BOO SONBORE 2011

¹⁷ Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 1:17 ပူးပေါင်းရင်းမြစ်များ

Kiin1 3:12

Á ke, n màn mɛn nyankɔ, masɛ n die bɛ zɛnɛɛ: Sii-doɛ̃ laanka yiridɛnaabaa mɛn bɛ́ min ná a tɔn yɛ n nyɛɛnɛ á kiɛ̃ wa, min ná a die yii n kio dɔn wa, man die bɛ koe n la.

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

KZS2 1:10

Ma nə n nyankoe, sii-doɛ̃ laanka doɛ̃ kɔ ma la, màn mɛn bɛ toɛ ma boo la ma zaman kɛ nyɛɛnaan bɔ. Bɛ̀ bɛ́ bie wa, die n boe la a n zaman kɛ nyɛɛnaan bɔ, bɛa zaman gole ke?»

KZS2 1:12

n tá re bɛa sii-doɛ̃ ka bɛa doɛ̃ lɛ yii. Ma á re gɔn màn dadaran koe n la ka gugurubaa gigiã nɛ ma da la. N tá re yii a la kii kɔsɔn kɛn tumaa nɛ. Ǹ mɛnɛn nə goã n nyɛɛnɛ ka ǹ mɛnɛn bɛ́ re die n kio.»

KZS2 26:5

Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

Zɔbu 32:8

Sɛnɛ, taãn-pɛ á soɛ, yiri n boe Lawa li, Pàãyiidɛnaa ǹ yiri koe min la.

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Izayii 28:26

A Lawa na á bɛa sii zɛnaa ǹ gɔn kɛ lɛ nyaa nɛ, á daraa a ganaa.

Ezekieli 28:3

Á ke, n tá sii doɛ̃ ń la Danieli ni. Sii-durii kɔn banban, mà n nə n ba bɛ doɛ̃ wa.

Danayeli sɛ́wɔ 1:18

Kii Nebukadenezɔɔrɔ biikoo mɛn pɛ, bɛ bɛ́ á dɔ, dí-nyalin goledɛnaa lɛ nɛgininin lɛn kũ á woo ǹ ne kii lɛ li.

Danayeli sɛ́wɔ 1:20

Sii mɛn tumaa bɛ́ sii-doɛ̃ laanka yiri ná a yɔrɔ boe, kii lɛ nɔ̀n da ǹ la ka ǹ mɛnɛn nɛ, á woo yǎa bɛ̀ ǹ nə́ la a gána lɛ a wɔ-kũlin laanka bòon kɛn tumaa nɛ gunyin fù.

Danayeli sɛ́wɔ 1:4

Wɔ̀lɔ̀ kɔn doamaa bie a goã bɛa nɛgininin lɛn ganaa wa. Ǹ yɔrɔ doamaa nɛ a goã siĩni. Sii-doɛ̃ doamaa nɛ a goã ǹ lon sii tumaa wɔ paǹ li, yiri nə́ ǹ lon, ǹ nə́ sii a woo ǹ bǎã doɛ̃, ǹ nə́ die boe la ǹ kii a kion dí nya. Ka tá re bɛa nɛgininin lɛn darɛɛ Baabiloniin bɔlɔ laanka ǹ sɛ́wɔ kiɛ̃ ǹ gɔn ganaa.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 2:19

Lawa tɔ́n sii-durii lɛ nyaa Danayeli-n tèlò-n. Bɛ kio, Danayeli barka da lon a Lawa nɛ,

Danayeli sɛ́wɔ 2:21

A din nə biikoon laanka siin koɛ kɔn la, A din nə kii koɛ, a din nə kii boe a bɔ kiibaa nɛ. A din nə sii-doɛ̃ koe sii doɛ̃-wɔlen la, a din nə yiri koe sii giala malin la.

Danayeli sɛ́wɔ 2:23

Ma digolon Lawa, man barka diɛ n din ni, ma n tɔ bɔ, a giala, ń sii-doɛ̃ laanka pàã kɔ ma la! Wɔ nɔ̀n da n la ka sii mɛn nɛ, ń bɛ nyaa ma nɛ, ń kii a sii lɛ nyaa wɔ nɛ.

Danayeli sɛ́wɔ 2:30

Masɛ din ke, a bie ka sii-doɛ̃ n ma lon á la minbuiin kɛ tumaa wɔ nɛ, sii-durii kɛ lɛ tɔn nə n nyaa ma-n wa. Sɛnɛ, kɛ na á n zɛnaa, màn mɛn bɛ́ toɛ, n nə n narɛɛ lɛ a binyəə dɔ̃, sii mɛn lɛ bɛ́ gɔ́ɔ̃-bii diɛ n ganaa, n boo la n bɛ dɔ dɔ̃.

Danayeli sɛ́wɔ 4:6

«Kɔ́lɔnbaalin goledɛnaa Bɛlsazaara, ma á doɛ̃, máa lawa sonboren kɛn yiri tá nsɛ lon, sii-durii kɔn ba piɛ̃ n ganaa wa. Ma sii mɛn yɛ maa narɛɛ lɛ gɔ́ɔ̃ nɛ, bɛ pɛ ma nɛ, n na a giala dɔ pɛ ma nɛ.

Danayeli sɛ́wɔ 5:14

Má ma n wɔ paǹ li, máa lawan kɛn yiri tá n lon, n yii á bui ni, n ta sii giala miɛ, sii-doɛ̃ nə n lon taãn-taãnɛ.

Danayeli sɛ́wɔ 7:1

Baabiloniin kii Bɛltazaara a kiibaa lɛ̀ bibinaa li, Danayeli bɛ́ waa-n tán, á n narɛ, á siin kɔnɔn yɛ. Danayeli bɛa narɛɛ lɛ a boo mìi dadaran kiɛ̃,

Danayeli sɛ́wɔ 8:1

Bɛltazaara a kiibaa lɛ̀ sɔɔbaa ǹ wɔ, masɛ Danayeli sii kɔsɔ yɛ doo, bibinaa wɔ kɛ lɛ a yɛ kio.

Minin nimi 12:6

Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Nya ǹ dín 6:10

Ǹ goã boe la ǹ tá Itian naɛ ka boo-n wa, a giala, a na á goã boo diɛ ka sii-doɛ̃ nɛ, Lawa a Yiri Fu bɛ́ sii-doɛ̃ mɛn koe la.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Nya ǹ dín 7:22

Ǹ nə́ Muizu daraa Ezipti gána minin sii-doɛ̃ tumaa ganaa. Pàã gole na á goã Muizu a boo-diɛ laanka a sii-zɛnaan nɛ.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.