Danayeli sɛ́wɔ 1:15 - LAWA A BOO SONBORE 2011

¹⁵ Á pii mà a n woe doe lɛawaa fù, ǹ nə́ kasã ǹ yɔrɔ ń tɛ pii á la ǹ miã nɛgininin lɛn tumaa wɔ nɛ, ǹ mɛnɛn nə goã kii a màn-bii kɔɔ̃n lɛ bii.

Danayeli sɛ́wɔ 1:15 ပူးပေါင်းရင်းမြစ်များ

Loen 37:16

Màn boɛɛn mɛn bɛ́ min sonbore gɔn, á soɛ min baraa a pàãmabaa ǹ màn gigiã nɛ.

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Danayeli sɛ́wɔ 1:14

Giĩ lɛ lɛ kɔ bɛa boo lɛ ganaa, á ga ǹ ganaa lɛawaa fù gɔ́ɔ̃ nɛ.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Azee 1:9

Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.

Malakii 2:2

Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.

Matiə 4:4

Yezu tɔ́n pɛ nɛ: – A tá kiɛ̃-n Lawa a boo-n kɛnɛn: «Màn-bii dinsɔɔ̃ bie minbuiin nɛ toe wa. Boo woo boo tá boe Lawa lɛ-n, bɛ lɛ n min toe.»