Kolɔɔsi minin 4:6 - LAWA A BOO SONBORE 2011

⁶ Ka toa kaa boo goã boo sonbore lɛa biikoo tumaa li, á n kɔɔ̃nɛ, ka bɛ dɔ nɛ, ka min gogoonmaa lɛ si sɔnbɔraanɛ.

LAWA A BOO SONBORE

⁶ Ka toa kaa boo goã boo sonbore lɛa biikoo tumaa li, á n kɔɔ̃nɛ, ka bɛ dɔ nɛ, ka min gogoonmaa lɛ si sɔnbɔraanɛ.

Kolɔɔsi minin 4:6 ပူးပေါင်းရင်းမြစ်များ

KZS1 16:24

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Loen 105:2

Ka loe lɔ Dɛnaa Lawa nɛ, ka a guguru kɔ ka tùtu wuu ni, ka a kaãbaa ǹ siin kɛn tumaa pɛ, ka timəə la.

Loen 119:13

N sii yɔrɔ bɔ ǹ boon kɛn, má ǹ tumaa pɛ ka ma lɛ nɛ.

Loen 119:46

Ma á re n gɔn waa ma-n boon kɛn diɛ kiin yɔrɔ-a. Ma a re bɛa sìi koe wa.

Loen 45:2

Boo sonbore ma gɔ́ɔ̃ pã, man die loe loe ma kii tɔ bɔ nɛ. Toa ma lɛwɔn lɛ bɔ li, ka sɛ́wɔ-kiɛ̃li sonbore a sɛ́wɔ kiɛ̃ ǹ màn bɛ́ lɔn.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Suusun 10:21

Min gigiã n là yii sii sonbore-zɛnaali a boon ganaa. Sɛnɛ baãnaan man giɛ̃ yiriwɛɛnaabaa taman yii.

Suusun 15:4

Foo taã ǹ boo n ka yiikoonaabaa da bɛ́ lɔn. Sɛnɛ, boo baraa n foo ziziɛ̃.

Suusun 15:7

Sii-dɔ̃li lɛ n doɛ̃ pɛsɛ̃ sɛnɛ, yiriwɛɛnaa foo n màn tɔrɔ kɔsɔ lɛa.

Boo-laakalaali 10:12

Sii-dɔ̃li lɛ gɔ́ɔ̃ ǹ boo á kiɛ foo la. Sɛnɛ, baãnaa lɛ na a din bɔ̀n biɛ.

Ezekieli 43:24

n da bɛn kɔ masɛ Dɛnaa Lawa la. Ǹ wúlu-bɔlen lɛn die ǹ yìsi kaa bɛn ganaa, ǹ tɔn nə ǹ tã lenlen, Dɛnaa Lawa wɔ lɛa.

Lawa a wúlu-bɔlen 2:13

Ǹ bɛ́ re die ka wúlu màn mɛn tumaa nɛ Lawa gɔ ǹ wɔ lɛa, ǹ doamaa nɛ, ǹ yìsi kaa a tumaa ganaa. Ǹ nyan toa ǹ yiri bɔ ka yìsi lɛ a kaamaa-n wa. A giala, yìsi lɛ n nyɛɛ, mà Lawa lɛ kɔ kɔn la mɛn wɔ ǹ nɛ, mà bɛ na a tan yǎa duduu. Bɛ lɛ nɛ, ǹ Lawa gɔ ǹ màn lɛ tumaa, ǹ da nɛ, yìsi ná a ganaa.

Matiə 5:13

Ka dinin lɛn man goon ka yìsi bɛ́ lɔn kanaa kɛ lɛ gɔ́ɔ̃ nɛ. Sɛnɛ bɛ̀ yìsi a yìsibaa soo á n bɔ a nɛ, a n siɛ lɔn a tɔn yìsi baa doo? A ba màn kɔ́n bǐɛ̃ koe doo wa, yǎa n zuĩ kanaa, minin nə tɔtɔrɔ ǹ gòã giulun.

Marki 9:50

Yìsi n màn sonbore lɛa sɛn, sɛnɛ bɛ̀ yìsi a yìsibaa nya, maǹ die n biɛ lɔn ǹ tɔn baa yìsi lɛa doo? Ka miãn bii, ka toa kaa zɛnaa ǹ sii sonboren nə goã ka yìsi bɛ́ màn-bii li lɔn, ka koa kun ka yii-nyɛɛ nɛ.

Luku 4:22

Min din tumaa na á goã Yezu laakalɛɛ. Bɛa Lawa a bǐɛ̃baa ǹ boo kɛ kaãbaa da min tumaa ganaa. Sɛnɛ, bɛa boo kɛ a bɔ asɛ lɛ-n kɛ lɛ na á ǹ tɔwaa. Maǹ nə́ goã pii kɔn nɛ mà Zozɛfu a nɛ kɛ lɛ bie wa?

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Timəə dí-pɛn 11:19

Ka die ka a boo da kaa nɛnyaanan manɛ, ka ǹ daraa a ganaa, ta ka n giã-n tán kaa kion, ta ka n tɔ we zii la, kaa waa tán waáraa nɛ, kaa yoo lon waáraa nɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.