Kolɔɔsi minin 4:5 - LAWA A BOO SONBORE 2011

⁵ Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

LAWA A BOO SONBORE

⁵ Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Kolɔɔsi minin 4:5 ပူးပေါင်းရင်းမြစ်များ

Loen 90:12

Bɛ lɛ n ke, wɔ daraa wɔa lɛawaan lɛn nimii ganaa, wɔ dɔ̃ wáa ǹ ba tɛ wa. Bɛ á re toɛ wɔ yiri yɛ.

Danayeli sɛ́wɔ 2:8

Kii lɛ tɔ́n pɛ: «Nɔ̀n-diɛ din ba a-n wa, maa á doɛ̃, má kan n ka lɔlɔɔ, ń giɛ biikoo á kiɛ̃. A giala, ka dɔ̃ mà masɛ parsii boo n ka kɛ lɛ nɛ, má da ka nɛ.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Marki 4:11

Yezu tɔ́n pɛ ǹ nɛ: – Lawa bɛ́ a kiibaa ǹ dí lɛ nyɛɛ lɔn lɛlɛ, a n sii-durii lɛa. Sɛnɛ, bɛ lɛ na á n nyaa kasɛn manɛ sisia. Sɛnɛ, min gialakunun kɛn, sii din tumaa nə n nyɛɛ bɛn manɛ ka boo giməə ne,

Rɔmu minin 16:19

Sonbore, min tumaa tá kaa Lawa bɔlɔ-sii kɛ doɛ̃. Bɛ lɛ na á toa, ma tá n nyɛnyɛɛ kaa lɛa. Sɛnɛ, man giɛ li ka ga sii bǐɛ̃ zɛnaa li, ka bɛa dɔ̃lin baa, ka baran ga sii baraa zɛnaa li, ka bɛa dɔ̃lin baa wa.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Tesaloniki1 4:12

Ka zɛnaa miɛ̃ màn mɛn bɛ́ toɛ, min mɛnɛn bɛ́ ǹ ba Lawa-nyankoe wa, kaa tɔ wɔ ǹ gɔn kɔɔ̃n kɔ bɛn ganaa, ka baran goã guĩ lɛa min kɔ́n dɔ mìi-n wa.

Timote1 3:7

Min mɛnɛn bɛ́ ǹ ba Lawa a sɔmɔ minin lɛa wa, bɛn doamaa nɛ ǹ siére sonbore pɛ a wɔ gɔn la, màn mɛn bɛ́ toɛ, a yii baran goã puusə wa, Sɛtaan dɔ gɔn baran dɔ a ganaa wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Piɛrɛ1 3:1

Kasɛn dɔn lɔn lɛn, ka dɔn nə ka zuũn bɔlɔ si a din yɔrɔ kɛ lɛ la, màn mɛn bɛ́ toɛ, ta ǹ tɛnɛn manə n piɛ̃, mà ǹ ba golee Lawa a boo li wa, ǹ lɔn tɔ wɔ ǹ gɔn dinsɔɔ̃ nə ǹ kũ, bɛ̀ boo diɛ ná a ba a-n dinin wa.