Kolɔɔsi minin 4:12 - LAWA A BOO SONBORE 2011

¹² Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

LAWA A BOO SONBORE

¹² Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Kolɔɔsi minin 4:12 ပူးပေါင်းရင်းမြစ်များ

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Luku 1:1

Ma dɔɔ̃n Tofili ganaa: Lawa bɛ́ á siin mɛnɛn zɛnaa wɔ bii, man bɛn kiɛ̃ ǹ koe n la. Min tɛnɛn nə́ bɛa siin kɛn lɛn yɛ ǹ yii ni, a kũ a giala-koe li, ka bɛ dɔ nɛ, ǹ bɛ́ ǹ nə́ n baa boo kɛ lɛ a dalin lɛa, ǹ ná a laakalaa wɔ nɛ. Min gigiã nə́ n doa ǹ nə́ bɛa boon kɛn lɛn goa, ǹ nə́ ǹ kaa kun ǹ nə́ ǹ kiɛ̃.

Luku 22:44

Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Rɔmu minin 15:30

Sɛnɛ, sii goon nə́ ke, má n die a nyankoe ka la taãn-taãnɛ, dɔɔ̃nɔn lɛn. Wɔa Dɛnaa Yezu Krita lɛ tɔ ganaa, ka kɔn-narɛɛ tɔ nɛ, Yiri Fu bɛ́ kɔn-narɛɛ mɛn koe, ka n doa parsiini ka Lawa nyankɔ maa lɛa. Ka Lawa nyankɔ kun ma nɛ,

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Galaasi minin 4:19

Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

Kolɔɔsi minin 1:22

Sɛnɛ kanna, a Nɛgiĩ a gɛ̀ ke, á wɔ ka minbuiin nɛ bɛ́ lɔn, bɛ barka nɛ, Lawa ka baa a din a giaáran lɛa, ka boo la ka soo a din yɔrɔ-a, ka a din a tɔrɔ minin bɛ́ lɔn, *gɔ̀ ná a ba ka ganaa wa, zɛ̀rɛ dɔ ná a ba ka ganaa wa.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 4:9

Onezimu mɛn bɛ́ ma dɔɔ̃n bɔlɔgoondɛnaa lɛa, a sii n kaka ma ganaa, bɛ ǹ diɛ zii. Ka dinin min ni ka bɛa Onezimu lɛ nɛ. Sii mɛn tumaa bɛ́ n zɛnɛɛ kànaa, ǹ tá re bɛ pii ka nɛ.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Filemɔn 1:23

Epafrasi mɛn dɔ bɛ́ kòso-n, kun ma-n kànaa Yezu Krita a lɛa, a dɔ á fòo diɛ ka nɛ.

Ebrəə 5:14

Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Zaaki 1:4

Sɛnɛ, ka toa kaa sii simaa yɛ foaãnɛ, màn mɛn bɛ́ toɛ, kaa sii lɛ pã a dɔ a lɛ dan ganaa, sii kɔ́n baran ka bɔ a ka daa wa.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.