Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolɔɔsi minin 3:4 - LAWA A BOO SONBORE 2011

4 Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

အခန်းကိုကြည့်ပါ။ ကော်ပီ

LAWA A BOO SONBORE

4 Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

အခန်းကိုကြည့်ပါ။ ကော်ပီ




Kolɔɔsi minin 3:4
36 ပူးပေါင်းရင်းမြစ်များ  

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.


N din nə ma nyɛɛnaan boe, á kɔnpii ka n sii yɔrɔ bɔ nɛ. Bɛ kio, n din nə die ma siɛ ka gugurubaa nɛ.


Sɛnɛ, min peperen tá re tɛ pii ka wasa bɛ́ lɔn ǹ Díi Lawa a kiibaa ǹ bǎã kɛ nɛ. Toon bɛ́ ka lon, ka n too kɔ.


A n die n biɛ miɛ̃ Min a Nɛgiĩ a daa pinaa.


Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;


Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.


Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.


Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.


Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.


Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.


Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.


Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.


Yiri Fu a bǐɛ̃baa ǹ mànan kɛn kɔ́n nyaabaa ka li wa. Bɛ lɛ na á toa, ka tá n yii diɛ ka foo-doa nɛ, wɔa Dɛnaa Yezu Krita a da a din nyaa kɛ la.


Bɛ̀ ǹ nə́ da yala-n, a n bɔbɔnɛɛ, pàã ná a ba a lon wa. Bɛ̀ a yii kaa, a n goɛ̃ siĩni, a n kaka.


Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.


Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.


Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.


Bɛ kio, wɔsɛn mɛnɛn bɛ́ re goɛ̃ wɔ yii n koo, wɔ dɔn tá re yui labaran la kunun ǹ ni, wɔ wo n da Dɛnaa lɛ lon. Bɛa yɔrɔ lɛ la, wɔ ǹ die goɛ̃ kun ka Dɛnaa din ni yǎa duduu.


N doa n dí-pɛ lɛ tamaa, n goã *yoreen ne, zɛ̀rɛ baran goã n ganaa wa, yǎa wɔa Dɛnaa Yezu Krita a din nyaa pinaa.


Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.


Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.


A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.


Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.


Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.


Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.


A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.


Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.


Bɛ̀ Lawa a Nɛgiĩ lɛ tá min mɛn li, nyin nyabaã wole dɔ na a li. Bɛ̀ Lawa a Nɛgiĩ lɛ ba min mɛn li wa, nyin nyabaã dɔ ba a li wa.


Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.


Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.


Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.


Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ