Kolɔɔsi minin 3:20 - LAWA A BOO SONBORE 2011

²⁰ Nɛnyaanan lɛn, ka kaa yɛ wolen bɔlɔ si ka sii din tumaa nɛ, Dɛnaa n giɛ bɛ lɛ li ka lon.

LAWA A BOO SONBORE

²⁰ Nɛnyaanan lɛn, ka kaa yɛ wolen bɔlɔ si ka sii din tumaa nɛ, Dɛnaa n giɛ bɛ lɛ li ka lon.

Kolɔɔsi minin 3:20 ပူးပေါင်းရင်းမြစ်များ

Siin Giala 28:7

Á ma dɔn, doo, mà Zakɔba nə́ ǹ di laanka ǹ dan bɔlɔ si miɛ̃, á woo Mezopotamii gána nɛ.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Suusun 20:20

Bɛ̀ min liɛ baraa wɔ ǹ di laanka ǹ dan nɛ, a yiikoonaabaa n die nimi ka bolon bɛ́ lɔn tèlò-n.

Suusun 30:11

Min tɛnɛn man Lawa bíi ǹ di li, ǹ ba barka diɛ ǹ dan ganaa wa.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Suusun 6:20

Maa nɛ, kɔ n di a doroo n boon lɛ. N nyan nə n piã ka n dan a daraan kɛn nɛ wa.

Zeremii 35:8

Wɔ digolo Zonaadaabu boo mɛn tumaa pɛ wɔ nɛ, wɔ n wɔ́ kɔ bɛ lɛ lɛ. Wɔa duvɛ̃ mii duduu wa, wɔa lɔn nɛ, wɔa nɛgiĩn ni ka wɔa nɛlɔn nɛ.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 19:19

n díi laanka n náa guguru kɔ, n nə n miã kɔsɔ narɛ ka n bɛ́ n din narɛ lɔn.»

Efɛɛzi minin 5:24

Bɛ lɛ nɛ, lɔn man kɔnboe ǹ nə ǹ zuũn lɛ si sii tumaa gɔ́ɔ̃ nɛ, ka Lawa a sɔmɔ bɛ́ Krita lɛ sii lɔn.

Timəə dí-pɛn 27:16

Bɛ̀ min mɛn nə́ ǹ di laanka ǹ dan puusə kɔ, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 5:16

N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 3:22

Bɛ̀rɛn lɛn, ka kaa kanaa a goledɛnan lɛn bɔlɔ si ka sii din tumaa nɛ, ka dí nya ǹ nɛ. Ǹ bɛ́ giɛ ka gɔn li mɛnɛn, bɛa lɛa bie wa. Ka baran zɛnaa, ka n pɛ mà ka n giɛ li, ka kɔɔ̃n kɔ minin ganaa wa. Sɛnɛ, ka zɛnaa ka gɔ́ɔ̃ fu ni, nyɛ́ɛbaa Dɛnaa yii-n wolen sii n ka bɛ nɛ.

Tiitii 2:9

Bɛ̀rɛn dɔn doamaa nɛ, ǹ nə ǹ mìinaan lɛ si sii din tumaa gɔ́ɔ̃ nɛ. Ǹ toa ǹ sii kɔɔ̃n kɔ ǹ ganaa bɛ̀ ǹ nə́ ǹ ba ǹ lɛn boboe wa.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Uruti 3:5

Uruti ná a lɛ si: «N màn mɛn tumaa pɛ ma nɛ, ma á re bɛ zɛnɛɛ.»