Kolɔɔsi minin 2:8 - LAWA A BOO SONBORE 2011

⁸ Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

LAWA A BOO SONBORE

⁸ Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Kolɔɔsi minin 2:8 ပူးပေါင်းရင်းမြစ်များ

Loe kɔɔ̃n kɔɔ̃n 2:15

Ka tolokan kɛn kũ ka ǹ kɔ, toloka bisinin kɛn lɛn, basaã koe rezɛ̃ dan manɛ. A giala wɔa rezɛ̃ da lɛ n buu lɛa.

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Matiə 10:17

Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 16:6

Yezu tɔ́n pɛ ǹ nɛ: «Haya, ka n parabaa Fariziɛ̃n ǹ yɔ bù ganaa, ka n parabaa Sadusɛɛ̃n ǹ yɔ bù ganaa!»

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Korɛnti1 8:9

Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Galaasi minin 1:14

Má goã woe nyɛɛnɛ Zuifun zii kɛ nɛ, má la ma din miã lɛn tumaa nɛ ma tɔrɔ minin bii. A giala, din kɔ sii ganaa goã ma nɛ wɔ digolon landa siin kɛn lɛa parsiini.

Galaasi minin 4:3

Wɔsɛn dɔn man wɔ́ goã miɛ̃ ka nɛnyaanan bɛ́ lɔn. Wɔ n wɔ́ goã kanaa a màn pàãdɛnan kɛn gɔn, wɔ nə́ ǹ bɛ̀rɛn lɛa.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Galaasi minin 5:15

Sɛnɛ, bɛ̀ ka á sɔndoe kɔn ganaa ka n kɔn soɛ̃, ka yiri bɔ. Bɛ bie wa, ka n die kɔn ziziɛ̃.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 4:20

Kasɛn bie ka n daraa bɛ ganaa Krita wɔ paǹ li wa!

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Filipi minin 3:2

Min mɛnɛn bɛ́ sii bɔnɛɛ zɛnɛɛ, ka n yiri kɔ ǹ li, bɛa ginin kɛn, ǹsɛn mɛnɛn bɛ́ zoɛ̃ mà yǎa ǹsɛn nə màn kuri gɔ̀nɔn ganaa!

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Kolɔɔsi minin 2:20

Ka ǹ ká gã kun ka Krita nɛ, Krita ka bɔ kanaa a màn pàãdɛnan pàã giulun. Wàa na á baa ka á ka dinin diɛ kanaa a sii-zɛnaa ǹ gɔnɔn pàã giulun, ka ǹ pɛ mà ka ǹ tɔn kanaa wɔn lɛa doo? Wàa na á baa ka á toɛ, ǹ tá kɛn miãn diɛ ka mìi-n doo?

Kolɔɔsi minin 2:22

Bɛa boon kɛn lɛn bɛ́ n diɛ mànan mɛnɛn tumaa wɔ gɔn la, bɛ̀ ǹ tá dí nyɛɛ ǹ nɛ, bɛn tumaa n ziziɛ̃. Bɛa boon kɛn lɛn man minbuiinin dí-pɛn lɛa ka ǹ daraan nɛ.

Kolɔɔsi minin 2:23

Sonbore, bɛa dí-pɛn kɛn lɛn minin nə́ giɛ ǹ ganaa, ka yiridɛnaabaa ǹ siin manɛ, ǹ dinin zii boen ne, ǹ soɛ bɔ ǹ din gisiĩ siin ni, ka ǹ fuu nyaa ǹ dinin gɔ̀nɔn nɛ siin ni. Là ba bɛa siin kɛn lɛn kɔ́n nɛ wa, maǹ kɔɔ̃n minbuiin nɛ gɔ̀nɔn dinsɔɔ̃ ganaa.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.

Piɛrɛ2 3:17

Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.