Kolɔɔsi minin 2:7 - LAWA A BOO SONBORE 2011

⁷ Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

LAWA A BOO SONBORE

⁷ Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Kolɔɔsi minin 2:7 ပူးပေါင်းရင်းမြစ်များ

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 92:13

Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 17:8

Bɛa dɛnaa n goon ka da nɛ zumii-n tà lɛ-a, á gòonən bɔ á woo mu lɛ ganaa. Tɛ̀fuu biikoo li, a nyɛ́ɛ biɛ màn kɔn nɛ wa. A luu n goɛ̃ tì. Lɛ̀ goon lɛ̀ gere a màn kɔn pii-n wa. A n nɛ koe biikoo tumaa li.

Luku 6:48

Bɛa min lɛ n kɔnboe ka kion-dɔle goon ne. A ná a yala fɔ̃ á zuzulu kɔ yǎa tataã ganaa, á tɔ́n kion lɛ gòã daa. Mu tii wɔ, mu toɛ̃ á daa kion lɛ ganaa, sɛnɛ, a boo la á kion lɛ kaa wa, a giala kion lɛ a doe bǐɛ̃ kɔ.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 1:21

Lawa na á toa ma gòãn nə́ doa, kun ka ka dɔn nɛ, Krita wɔbaa gɔ́ɔ̃ nɛ. A din Lawa lɛ na á wɔ bɔ á wɔ baa a din wɔn lɛa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Efɛɛzi minin 4:21

Táa ǹ ná a boo da ká wa. Sonbore taãn mɛn bɛ́ Yezu wɔ gɔn la, táa ǹ nə́ ka daraa bɛ dɔ ganaa, kaa Krita a minbaa gɔ́ɔ̃ nɛ.

Efɛɛzi minin 5:20

Ka barka da Díi Lawa nɛ, biikoo tumaa li, sii din tumaa a lɛa, ka wɔa Dɛnaa Yezu Krita tɔ nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.