Kolɔɔsi minin 2:18 - LAWA A BOO SONBORE 2011

¹⁸ Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

LAWA A BOO SONBORE

¹⁸ Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Kolɔɔsi minin 2:18 ပူးပေါင်းရင်းမြစ်များ

Siin Giala 3:13

Dɛnaa Lawa pɛ lɔ lɛ nɛ: «Wàa na á baa ń kɛ zɛnaa?» Lɔ lɛ ná a lɛ si: «Miɛ̃ na á ma bebele, má da nɛ lɛ bii.»

Zɔbu 38:2

– Die n boe la a maa sii yɔrɔ boe sàabaa? Die n boe la, a na a sàabaa ka baãnaabaa ǹ boon ne?

Izayii 57:9

Ń woo kii li, ka nyɔɔ laanka màn giĩ kɔɔ̃n gigiã nɛ. Ń dia dí-a wolen dia bǎã sɔsɔɔ nɛ. Ń gisĩ n woo yǎa geren piɛ.

Ezekieli 13:3

Masɛ Dɛnaa Lawa n kɛ pii: Lawa a boo gii-dalin kɛn baãnaan lɛa, koe ǹ dinin taasiɛn lɛ, a da yaa ǹ yii sii kɔn yɛ wa, bɔ̀n na á bɛn yɛ.

Danayeli sɛ́wɔ 11:38

A n die bɛn toɛ walan, dì mɛn bɛ́ duru ǹ bǎã kakan kɛn mìi la, a bɛ guguru kɔ, a da yaa ǹ digolon dinin nə goã bɛ doɛ̃ wa. A n die bɛ lɛ guguru koe ka sana nɛ, ka wɔrɔ nɛ, ka kɔlɔ giɔ̀mɔ kaka-an nɛ, ka màn sonbore kɔsɔn nɛ.

Minin nimi 25:18

A giala, Madiã minin lɛn man nə́ yiri baraa bɔ, ka n yii dɔraa ǹ dɔn li. Maǹ nə́ yiri baraa bɔ ka li, ǹ nə́ ka mìi dɔ ka li Pewɔɔrɔ a sii kɛ gɔ́ɔ̃ nɛ, ka ǹ dɔɔ̃nlɔ Kozbii wɔ kɛ nɛ, Kozbii mɛn lɛ á ke Madiã gána a nyɛɛnaandɛnaa a nɛlɔ lɛa, ǹ nə́ dɛ koe lɛ a pinaa, Pewɔɔrɔ a sii kɛ taman yii.»

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Rɔmu minin 1:25

Lawa màn mɛn da, maǹ bɛ guguru koe, sɛnɛ, Lawa din mɛn bɛ́ màn lɛ a diɛ wole lɛa, ǹ ba bɛ guguru koe wa. Haalɛ ka bɛ yii ni, Lawa tɔ n goɛ̃ guguru miɛ̃ yǎa duduu. A n miɛ̃! Ǹ bɛ́ ǹ nə́ Lawa a sonbore kɛ dɔ̃, ǹ ná a lonkɔ ka soɛ nɛ.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti1 13:4

Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Korɛnti1 4:18

Kaa min tɛnɛn nə́ n dinin koa, ǹ nə́ taasɛ mà ma a re die n yii koe ka li doo wa.

Korɛnti1 4:6

Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti1 9:24

Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Filipi minin 3:14

Bɛ lɛ nɛ, ma á baa sii maa dí mìi ganaa, ń giɛ ma á baa si ǹ saraa yii, Lawa bɛ́ wɔ bíi, mà wɔ da ǹ mɛn lɛ si lon, Yezu Krita pàã ganaa.

Kolɔɔsi minin 2:23

Sonbore, bɛa dí-pɛn kɛn lɛn minin nə́ giɛ ǹ ganaa, ka yiridɛnaabaa ǹ siin manɛ, ǹ dinin zii boen ne, ǹ soɛ bɔ ǹ din gisiĩ siin ni, ka ǹ fuu nyaa ǹ dinin gɔ̀nɔn nɛ siin ni. Là ba bɛa siin kɛn lɛn kɔ́n nɛ wa, maǹ kɔɔ̃n minbuiin nɛ gɔ̀nɔn dinsɔɔ̃ ganaa.

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Timote1 1:7

Maǹ nə n dinin biɛ Lawa a landa sii-daraalin lɛa, a da yaa ǹ bɛ́ boon mɛnɛn diɛ, ǹ bɛ́ n parsii boe boon mɛnɛn li, ǹ dinin dɔn ba bɛn giala miɛ wa.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Zaã1 2:26

Min mɛnɛn bɛ́ zoɛ̃ mà ǹ ka yiri sã, man boo kɛ kiɛ̃ diɛ ka la bɛn wɔ paǹ li.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 3:11

Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.