Kolɔɔsi minin 1:29 - LAWA A BOO SONBORE 2011

²⁹ Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

LAWA A BOO SONBORE

²⁹ Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Kolɔɔsi minin 1:29 ပူးပေါင်းရင်းမြစ်များ

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Rɔmu minin 15:20

Krita tɔ bɛ́ a tɔn nə n pɛ bǎã mɛn nɛ bɔrɔ wa, má n doa ma Boo Tii Kɔɔ̃n kɛ pɛ walan. A giala, ma ba li ma dí nya min kɔsɔ a dí giala kɔ ǹ bǎã-n wa.

Rɔmu minin 15:30

Sɛnɛ, sii goon nə́ ke, má n die a nyankoe ka la taãn-taãnɛ, dɔɔ̃nɔn lɛn. Wɔa Dɛnaa Yezu Krita lɛ tɔ ganaa, ka kɔn-narɛɛ tɔ nɛ, Yiri Fu bɛ́ kɔn-narɛɛ mɛn koe, ka n doa parsiini ka Lawa nyankɔ maa lɛa. Ka Lawa nyankɔ kun ma nɛ,

Korɛnti1 12:11

Sɛnɛ, a din Yiri Fu goon kɛ lɛ n bɛ tumaa zɛnɛɛ, a n bɛa bǐɛ̃ kɛ lɛ gii didie ne a din foo dùũ li.

Korɛnti1 12:6

Dí nya ǹ gɔnɔn tá totoro, sɛnɛ, a din Lawa goon ne pàã koe wɔ tumaa la, wɔ á sii tumaa zɛnɛɛ nɛ.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 13:3

Ka bɛ́ giɛ *Krita a boo-da masɛ gɔ́ɔ̃-n lɛ giala li, ka á re yii. Krita lɛ a pàãwɛɛnaa lɛa kaa sii gɔ́ɔ̃-n wa, sɛnɛ, a na a pàãdɛnaabaa nyɛɛ ka bii.

Korɛnti2 5:9

Sɛnɛ, ta ma tá ma gɔ̀nɔn kɛ nɛ, ta ma ba a-n wa, man giɛ li, máa ma a din foo sii zɛnaa màn tumaa nyɛɛnɛ.

Korɛnti2 6:5

Ǹ nə́ ma dɛ, ǹ nə́ ma da kòso-n. Ǹ nə́ zaman gigiã gɔ́ɔ̃ tii, bɛ̀ ǹ nə ǹ kaa ma ganaa. Má lɛ kɔ dí kakan nyɛɛ ganaa. Má n din kurəə nyuù ganaa, ka màn-bii ni gunyin damata.

Efɛɛzi minin 1:19

Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ,

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Efɛɛzi minin 3:7

Lawa na á dí nya ka a din pàã nɛ. Á bǐɛ̃ zɛnaa ma nɛ, á ma bɔ á ma baa Boo Tii Kɔɔ̃n kɛ a laakalaali lɛa.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 1:30

Sisia kəni, ka n gii wɔ ziabaa kɛ-n kun ka ma nɛ. Bɛa ziabaa kɛ n goon, ka ka bɛ́ ká ma yɛ biɛ lɔn lɛlɛ, man tɔn biɛ miɛ̃, ka ka bɛ́ doɛ̃ lɔn.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Kolɔɔsi minin 2:1

Sonbore, ma bɛ́ dí kaka mɛn nyɛɛ ka a lɛa, ka Lawodisee minin ni, ka min gigiã kɔsɔn mɛnɛn bin bɛ́ ǹ ma yɛ duduu wa, man giɛ li ka bɛ dɔ̃.

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Tesaloniki1 2:9

Dɔɔ̃nɔn lɛn, wɔ dí mɛn nya, wɔ nɔmaa mɛn dɔ wɔ, táa ka dinin yiri tá bɛ nɛ. Wɔ n wɔ́ dí nya penleen laanka tèlò ne, màn mɛn bɛ́ toɛ, wɔ baran goã guĩ lɛa ka kɔ́n mìi ni, wɔa Lawa a Boo Tii Kɔɔ̃n kɛ a pɛ ka-n biikoo li wa.

Tesaloniki2 3:8

Wɔ màn mɛn bii, wɔ bie wɔ́ a nyankɔ min kɔ́n la wa. Sɛnɛ, wɔ dinin man wɔ́ dí nya penleen laanka tèlò ne, wɔ́ fuu yɛ wɔ́ nɔmaa, màn mɛn bɛ́ toɛ, wɔ baran goã guĩ lɛa min kɔ́n mìi-n wa.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Ebrəə 12:4

Ka dɔn ziabaa lɛ gɔ́ɔ̃ nɛ, sii baraa-zɛnaalin ganaa, ka tɔn yɔ bɔ á woo dɔ gɛ̀ ganaa wa.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa.