Kolɔɔsi minin 1:10 - LAWA A BOO SONBORE 2011

¹⁰ Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

LAWA A BOO SONBORE

¹⁰ Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 1:10 ပူးပေါင်းရင်းမြစ်များ

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Misee 4:5

Tɔrɔn kɛn tumaa gogoonmaa n koe ǹ dìn lɛ. Sɛnɛ, wɔsɛn man koe wɔa Lawa, Dɛnaa Lawa lɛ yǎa duduu.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Rɔmu minin 1:13

Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Rɔmu minin 6:4

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Korɛnti2 2:14

Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Korɛnti2 5:9

Sɛnɛ, ta ma tá ma gɔ̀nɔn kɛ nɛ, ta ma ba a-n wa, man giɛ li, máa ma a din foo sii zɛnaa màn tumaa nyɛɛnɛ.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 4:13

Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.

Efɛɛzi minin 5:10

Sii mɛn bɛ́ kiɛ Dɛnaa foo la, ka n doa ka bɛ dɔ̃.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Kolɔɔsi minin 2:6

Ka bɛ́ ká lɛ kɔ Yezu Krita lɛ ganaa kaa Mìinaa lɛa ke, ka goã kaa-n kun a din lɛ nɛ.

Kolɔɔsi minin 3:20

Nɛnyaanan lɛn, ka kaa yɛ wolen bɔlɔ si ka sii din tumaa nɛ, Dɛnaa n giɛ bɛ lɛ li ka lon.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Ebrəə 11:5

Golee Lawa li na á toa, Lawa Enɔɔki saa, a ná a gã wa. Min yii yɛ doo wa, a giala, Lawa na á saa. Lawa laan bɛ̀ a n siɛ, Lawa a boo siére pɛ a wɔ gɔn la, mà á kɔɔ̃n kɔ Lawa ganaa.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ2 1:8

A giala, bɛa para pɛ ǹ siin kɛn lɛn, bɛ̀ bɛn tá ka lon gigiã, ǹ ba toɛ ka goã dí-nyali baãnaan lɛa wa, ǹ ba toɛ dɔn ka fɔ̃ wɔa Dɛnaa Yezu Krita doɛ̃ li wa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã3 1:6

Ǹ nə́ n minin-narɛɛ kɛ boo da wɔa Lawa a sɔmɔ minin yɔrɔ-a. Ma nə n nyankoe, n dɔ ǹ lɛ ǹ zii tɔ-wɔ kɛ gɔ́ɔ̃ nɛ, a kɔnpɛ ka Lawa foo sii ni.