Boo-laakalaali 7:7 - LAWA A BOO SONBORE 2011

⁷ Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

LAWA A BOO SONBORE

⁷ Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

Boo-laakalaali 7:7 ပူးပေါင်းရင်းမြစ်များ

Bɔ bɛ̀rɛbaa nɛ 23:8

Ka baran toa ǹ ka lɛ pii ka min gɔ ǹ mànan nɛ wa. A giala, bɛa mànan kɛn lɛn man, haalɛ min sii-dɔ̃lin yii tiɛ̃ sonbore ganaa, a min peperen sii yɔrɔ-bɔ lɔlɔkɔn.

Suusun 17:23

Min baraan lɛ pii ǹ màn sii ka durii ni màn mɛn bɛ́ toɛ a kiri kɔkɔrɔ wɔ.

Suusun 17:8

Min tɛn a taasiɛ nɛ mà lɛ pii ǹ màn nə mìi kɔɔ̃nbaa lɛa asɛ ganaa. A n taasɛ mà á boe la a kiɛnlɛ tumaa bũ asɛ nɛ.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Boo-laakalaali 8:9

Má bɛ tumaa yɛ. Sii mɛn tumaa bɛ́ n zɛnɛɛ kanaa kɛ nɛ, má n yiri kɔ li doɛ̃. Biikoo na a tan, minbuiin nɛ n boe ǹ miã minbuiin nɛ yii ni, a baa koe-yele lɛa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Timəə dí-pɛn 28:65

Bɛa tɔrɔn kɛn lɛn bii, ka a re là nyantoro yii wa, ka a re gòã da ǹ bǎã din yii wa. Dɛnaa Lawa á re gɔ́ɔ̃-bii diɛ ka ganaa walan, ka foo biɛ na laanka nyin-soo ne.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 21:14

A bɛ́ miɛ̃, Davida yoo ǹ yii ni, á n din baa ka gàãnaa nɛ, á mɛ la a tá n sinbirin boe ǹ bii, a n mànan kikiɛ̃ kiɛnlɛ goon ganaa, á n toɛ a sɛ̀n soe gisĩ a lɛtoro ka ganaa.

Samayeli1 8:3

Sɛnɛ a nɛgiĩn lɛn na a tɔ wɔ ǹ gɔn saa wa. Bii kooro na á goã kɔɔ̃nɛ ǹ ganaa. Ǹ nə́ goã lɛ koe lɛ pii ǹ mànan sii, ǹ goã sii yɔrɔ boe a peperebaa li wa.