Boo-laakalaali 5:8 - LAWA A BOO SONBORE 2011

⁸ Tán a là nə ǹ dinin tumaa ganaa. Tán dí n kii pàã lɛa.

LAWA A BOO SONBORE

⁸ Tán a là nə ǹ dinin tumaa ganaa. Tán dí n kii pàã lɛa.

Boo-laakalaali 5:8 ပူးပေါင်းရင်းမြစ်များ

KZS2 26:10

Á gɔnda ǹ kionən dɔ diə gole gánan kɛn dɔn nɛ. Á mu kurəə ǹ yala gigiã fɔ̃, a giala, a tɔɔn man mɔnaa nɛ *Sefelaa a nyankɔrɔ lɛ kɛ nɛ, ka yìsi mu lɛ a bǎãn kɛn nɛ. A Buu-kɔsɔlen tan, a duvɛ̃ wuru dí-nyalin tan dí nyɛɛ tenenən mìi ni ka Karmɛli kele ne, a giala, tán dí n kɔɔ̃n a ganaa.

Zɔbu 24:23

Lawa n zɛnɛɛ ǹ taasɛ mà ǹsɛn tá là nyantoro la, sɛnɛ, a n giɛ ǹ tɔ wɔ ǹ gɔn ganaa.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 55:9

Bɛ̀ ma á re duru ǹ bǎã yii fufuu, a ma si piɛ̃ gole kɛ la.

Loen 82:1

Asaafu a loe goon ne. Lawa yoo á golee, a dí-nyalin kɛn bii, a na á golee lon mànan bii, a n die kiri kuri:

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Boo-laakalaali 3:16

Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 5:9

Min mɛn bɛ́ paa narɛ, paa ba doe bɛ yii li wa. Min mɛn bɛ́ gɔn màn narɛ, bɛ ba a là yii wa. Bɛ dɔ giala banban.

Boo-laakalaali 7:7

Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

Boo-laakalaali 8:9

Má bɛ tumaa yɛ. Sii mɛn tumaa bɛ́ n zɛnɛɛ kanaa kɛ nɛ, má n yiri kɔ li doɛ̃. Biikoo na a tan, minbuiin nɛ n boe ǹ miã minbuiin nɛ yii ni, a baa koe-yele lɛa.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Ezekieli 18:18

A díi lɛ sɛ bɛ́ na á pàã nyaa ǹ miãn manɛ, á wurumu baa, sii mɛn bɛ́ a siĩn wa á bɛ zɛnaa, a tɔrɔ minin bii, a din lɛ n die giɛ̃, a din a sii baraa zɛnaa taman yii.

Amɔɔsi 5:12

Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

Amɔɔsi 6:12

Ka bin nə́ sùi yɛ baa sii gɛ̀fu la? Ka bin nə́ ǹ yɛ gɛ̀fu kɔsɛ ka diin kána nɛ? Wàa na a baa, ká taãn-pɛ sɛ bɔyaa ká baa sèwò lɛa, ká peperebaa bɔyaa ká baa kɔɔsɛ.

Misee 2:9

Lɔn kɛn, maa zaman lɛ wɔn lɛa, kionən mɛnɛn bɛ́ kɔɔ̃n bɛn ganaa, ka nə ǹ lui ǹ boe bɛn nɛ. Ǹ nɛnyaanan kɛn, ká maa bǐɛ̃ kurəə bɛn ganaa duduu.

Zakarii 8:6

Dɛnaa Lawa Pàãyiidɛnaa a da ǹ boo á ke: «Bɛ̀ bɛ á kaãbaa ǹ sii lɛa Izirayeli minin gialakunun kɛn yii li, a kaãbaa ǹ sii lɛa masɛ Dɛnaa Lawa Pàãyiidɛnaa yii li wa. Dɛnaa Lawa Pàãyiidɛnaa a da ǹ boo ne.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Luku 1:32

Bɛa nɛgiĩ kɛ lɛ n die min barkadɛnaa biɛ, maǹ die bíi "Lon a Lawa gole a nɛ". Dɛnaa Lawa n die ǹ digolo Davida a kii dankan koe la, a giã a nɛ.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 1:76

Nsɛ nɛnyaan tiɛɛ̃n lɛ dɔ ganaa, maǹ die n bíi lon a Lawa gole a boo gii-dali, ma n die die wɔa Dɛnaa nyɛɛnɛ, ma n die wɔa Dɛnaa a ziin zɛnɛɛ.

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Piɛrɛ1 4:12

Maa giaáran lɛn! Ka baran n kaãbaa kaa fuu-yɛ baraa kɛ ganaa, ka n pɛ mà sii ni ka n ka ba a giala miɛ wa.

Zaã1 3:13

Bɛ̀ ka tìĩ á boe-n kanaa kɛ a minin nyin ni, bɛ baran ka tɔwaa wa, ma dɔɔ̃nɔn lɛn.