Boo-laakalaali 3:8 - LAWA A BOO SONBORE 2011

⁸ Min-narɛɛ biikoo tan, min baa zɔ́ɔ biikoo tan. Zia biikoo tan, là nyantoro biikoo tan.

LAWA A BOO SONBORE

⁸ Min-narɛɛ biikoo tan, min baa zɔ́ɔ biikoo tan. Zia biikoo tan, là nyantoro biikoo tan.

Boo-laakalaali 3:8 ပူးပေါင်းရင်းမြစ်များ

Kiin1 5:4

A giala, tà mɛn bɛ́ ǹ nə́ bíi Efrati, màn mɛn tumaa bɛ́ bɛa gusin a lɛ̀gɔn la, a kũ Tifusaa kiwi ganaa yǎa Gaazaa Salomɔn na á goã bɛ yii mìi la. Kiin mɛnɛn nə goã tà lɛ lɛ koro-a, á goã bɛn mìi la. Là nyantoro goã a bii ni ka a lɛ-a ǹ gánan tumaa nɛ.

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 105:25

Lawa din toa Ezipti minin lɛn yiri nə́ n bɔyaa, ǹ ná a zaman lɛ baa zɔ́ɔ, ǹ na a dí-nyali Izirayeli minin lɛn kũ ka soɛ nɛ.

Loen 139:21

Min mɛnɛn bɛ́ n biɛ zɔ́ɔ, masɛ dɔ n bɛn biɛ zɔ́ɔ. Min mɛnɛn bɛ́ zia diɛ n ganaa, bɛn tìĩ n boe-n ma dɔ nyin ni.

Suusun 13:5

Sii sonbore-zɛnaali soɛ̃ n ka soɛ nɛ. Sɛnɛ sii baraa-zɛnaali n sɔ kiɛ ǹ miãn la, a n sìi diɛ ǹ ganaa.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Luku 14:26

«Bɛ̀ min mɛn daa kɔ masɛ lɛ, bɛ̀ a masɛ soɛ kɔ ǹ di-n wa, ka ǹ dan nɛ, ka a lɔ nɛ, ka a nɛnyaanan nɛ, ka ǹ dɔɔ̃ngiĩn ni ka ǹ dɔɔ̃nlɔn nɛ wa, haalɛ a dinmaa, ǹ dɛnaa ba boe la a masɛ a kialandɛnaa baa wa.

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Efɛɛzi minin 5:25

Giĩn lɛn, ka dɔn nə kaa lɔn narɛ, ka Krita bɛ́ á Lawa a sɔmɔ narɛ lɔn. A na á n din nyin kɔ a lɛa,

Tiitii 2:4

ń giɛ ǹ tá lɔ tenən darɛɛ ǹ zuũn narɛɛ ganaa ka ǹ nɛnyaanan nɛ.

Zozoe 11:23

Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.