Boo-laakalaali 3:16 - LAWA A BOO SONBORE 2011

¹⁶ Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

LAWA A BOO SONBORE

¹⁶ Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Boo-laakalaali 3:16 ပူးပေါင်းရင်းမြစ်များ

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 5:7

Bɛ̀ ń yɛ gána nɛ, ǹ nə́ boe doobaa yii ni, ǹ nə́ sii yɔrɔ bɔ ǹ zii laanka peperebaa toɛ walan, bɛ baran kaãbaa da n-a wa. A giala, min mɛn nə́ ke nyɛɛn gole, min kɔsɔ tan gole bɛ dɔ mìi la, bɛn dɔn mìi la doo, minin tan dadara.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Boo-laakalaali 8:9

Má bɛ tumaa yɛ. Sii mɛn tumaa bɛ́ n zɛnɛɛ kanaa kɛ nɛ, má n yiri kɔ li doɛ̃. Biikoo na a tan, minbuiin nɛ n boe ǹ miã minbuiin nɛ yii ni, a baa koe-yele lɛa.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Nya ǹ dín 23:3

«Lawa n die n din lɛ dii, n din mɛn bɛ́ bɔlɔ paa pɛle lɛa. Ma n giɛ̃ tán kànaa, mà ma n kiri we masɛ ganaa, á kɔnpii ka Dí-pɛn nɛ, a da yaa n nə́ n yii tiɛ̃ bɛa dí-pɛn kɛn lɛn ganaa, n nə́ pii mà ǹ masɛ dɛ.»

Zaaki 2:6

Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?