Boo-laakalaali 2:1 - LAWA A BOO SONBORE 2011

¹ Má pɛ ma din gɔ́ɔ̃-n máa: «Haya le! Man die n doe nyɛnyɛɛ bii, man yii doa yii-nyɛɛ dinsɔɔ̃ la.» Sɛnɛ á ke, bɛ dɔ n piɛ̃ loo lɛa.

LAWA A BOO SONBORE

¹ Má pɛ ma din gɔ́ɔ̃-n máa: «Haya le! Man die n doe nyɛnyɛɛ bii, man yii doa yii-nyɛɛ dinsɔɔ̃ la.» Sɛnɛ á ke, bɛ dɔ n piɛ̃ loo lɛa.

Boo-laakalaali 2:1 ပူးပေါင်းရင်းမြစ်များ

Siin Giala 11:7

Haya! Ka daa wɔ gisĩ, wɔ ǹ bɔlɔ lɔlɔkɔn, màn mɛn bɛ́ toɛ, ǹ baran kɔn a boo giala ma doo wa.»

Kiin2 5:5

Siirii gána a kii lɛ Naaman lɛ si: «Yoo n zii saa n woo! Ma á die sɛ́wɔ koe Izirayeli gána a kii lɛ la.» Naaman dɔ yoo á woo. A bɛ́ woe, á wɔrɔ laanka sana kaa a lon, wɔrɔ kilo biɛsɔɔ (300), sana kilo pɔsɔrɔ. Naaman nyaǹ bɔ ǹ mɔnaa fù dɔ kaa a lon.

Loen 10:6

A n taasɛ, mà sii kɔn ba boe asɛ la wa, mà koe sii kɔn ba re asɛ yii duduu wa.

Loen 14:1

Loe-saalin goledɛnaa loe mɛn lɔ. Davida a loe n ke. Baãnaan man pii ǹ dinin gɔ́ɔ̃ nɛ mà Lawa banban. Bɛa minin kɛn nə́ ziziɛ̃, maǹ sii bɔnɛɛ zɛnɛɛ, ǹ kɔn ba sii bǐɛ̃ zɛnɛɛ wa.

Loen 27:8

Dɛnaa Lawa, n boo mɛn da, mà: «Ka ga ma li», man taasiɛ we bɛa boo lɛ ganaa. Dɛnaa Lawa, man giɛ n din li.

Suusun 14:13

Ń tá boe la n yaa wɔ n foo n busi dɔn. Foo kɔɔ̃nbaa dɔ á boe la a n giala nyɔmɔɔ ka foo ziziɛ̃ nɛ.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:15

Masɛ tɔ́n pɛ ma din gɔ́ɔ̃-n máa: sii mɛn bɛ́ re gàãnaa yii, bɛ lɛ n die ma dɔ yii, máa wàa na á baa má sii-dɔ̃li din baa kɛnɛn? Má pɛ ma din gɔ́ɔ̃-n, máa bɛ dɔ giala banban.

Boo-laakalaali 2:25

Sonbore, die n boe la a màn bii, die n boe la a n nyɛnyɛɛ a la masɛ nɛ?

Boo-laakalaali 7:4

Gɛ̀ gã kion mɛn nɛ, sii-dɔ̃lin taasiɛ n walan. Zɔ́n bɛ́ kion mɛn nɛ, baãnaan sɛn taasiɛ n walan.

Boo-laakalaali 8:15

Má tɔ́n pɛ máa nyɛnyɛɛ n sii sonbore lɛa a tɔ-a, a giala, màn kɔn din ba soɛ minbuiin nɛ ganaa, kanaa kɛ-n wa. Bɛ̀ á n bɔ, a màn bii, a màn mi, a n nyɛnyɛɛ. Bɛ lɛ na a dí lɛ a là lɛa, a tá kanaa lɛawaan kɛn gɔ́ɔ̃ nɛ, Lawa nə́ ǹ kɔ la.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 50:5

Dɛnaa Lawa má toon bũ, man piã wa, ma wusoo ma kio-n wa.

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 16:19

Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 16:23

Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaaki 4:13

Haya! Kasɛn mɛnɛn bɛ́ pii: «Pelo hinlaa biɛ̃, wɔ n woe kiwi gole kɛ nɛ, wɔ lɛ̀ goon zɛnaa walan, wɔ pii kɔ, wɔ wɔrɔ yɛ.»

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.