Boo-laakalaali 11:2 - LAWA A BOO SONBORE 2011

² Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

LAWA A BOO SONBORE

² Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Boo-laakalaali 11:2 ပူးပေါင်းရင်းမြစ်များ

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Ɛsit 9:19

Bɛ lɛ n ke, Zuifun mɛnɛn bɛ́ giã-n don kionən ne, bɛn nə́ Adaara mui a lɛawaa fulusiibaa ǹ wɔ lɛ baa nyɛnyɛɛ pinaa lɛa, ǹ nə́ baa zɔ́n laanka màn bii ǹ lɛawaa lɛa, ǹ nə́ màn-bii koe kɔn la.

Ɛsit 9:22

A giala, bɛa lɛawaan kɛn lɛn gɔ́ɔ̃ nɛ, Zuifun lɛn nə́ n gɔn si ǹ zɔ́ɔn la. Bɛa mui lɛ nɛ, sii lɛ goã á n lusi, foo ziziɛ̃ nə́ n bɔyaa á foo kɔɔ̃nbaa baa, gɛ̀ koa ǹ yɔrɔ kɔsiɛ nə́ n bɔyaa á zɔ́n baa. Mardoose mà ǹ bɛa lɛawaan kɛn lɛn baa màn bii laanka nyɛnyɛɛ pinaa lɛa, ǹ màn-bii kɔ kɔn la, ǹ bǐɛ̃ baa doobaan la.

Zɔbu 5:19

Ta nɔmaa sɔrɔ nɛ, á die n kirisibiɛ ǹ ganaa. Ta a din na á dɔ sɔbaa, baraa ba re doe n ganaa wa.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Boo-laakalaali 11:3

Bɛ̀ ń la yɛ ti boe, a n die kiɛ. Bɛ̀ da dɔ bɔ á mɛnaa, a na á mɛnaa á woo gusin a lɛ̀gɔn la hinlaa gɔsɛ a lɛ̀gɔn la, a bɛ́ á mɛnaa tán bǎã mɛn lɛ nɛ, a n goɛ̃ tán walan.

Boo-laakalaali 11:8

Bɛ lɛ n ke, bɛ̀ min yii á koo lɛ̀ didi gɔ́ɔ̃ nɛ, a doamaa nɛ, a n nyɛnyɛɛ bɛa lɛ̀n kɛn lɛn tumaa gɔ́ɔ̃ nɛ, a n yiri dɔ kɔ, mà lɛawaa kakan tá mɔnaa nɛ, mà sii mɛn yii bɛ́ die, mà yii ba doe a-n wa.

Boo-laakalaali 12:1

Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Danayeli sɛ́wɔ 4:27

Á n toa walan á pɛ: «Baabilonii kiwi gole lɛ á ke! Masɛ din nə má dɔ, maa kiibaa ǹ bǎã lɛa. Bɛ lɛ n die toɛ minin nə dɔ̃ mà pàã gole tá masɛ lon, mà gugurubaa tá masɛ a kiibaa lɛ nɛ.»

Misee 5:5

Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.

Matiə 18:22

Yezu tɔ́n pɛ nɛ: – Masɛ a pii ni máa yǎa gunyin sɔbaa wa, sɛnɛ, yǎa gunyin pɔsɔbaa wɔlɔ sɔbaa.

Matiə 5:42

Min mɛn bɛ́ màn nyankoe n la, ǹ dɛnaa gɔ. Bɛ̀ min tá màn dɔnbii n lon, n baran n piã ka ǹ dɛnaa-n wa.

Luku 17:4

Ta gunyin sɔbaa nɛ lɛawaa goon gɔ́ɔ̃ nɛ, á sã á wɔ n lon, bɛ̀ á lɛ kɔ á wusoo á daa n li gunyin sɔbaa, á pɛ n nɛ mà asɛ sã, mà n kaarɛ, a sãn toa nɛ.

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.

Efɛɛzi minin 5:16

Bɛ̀ sii sonbore zɛnaa ǹ pàã tá ka lon biikoo mɛn li, ka zɛnaa. A giala, lɛawaan mɛnɛn bɛ́ wɔ tá ǹ nɛ, ǹ tá baraa.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Samayeli1 25:8

Nɔ̀n da n tɔntɔraan lɛn la, ǹ tá re pii n ni. Maa dí-nyalin kɛn kũ doɛ̃, a giala, wɔn wɔ́ daa zɔ́n pinaa! Bǐɛ̃ kɔ, bɛ̀ n tá boe la n màn mɛn kɔ n dí-nyalin lɛn laanka n nɛgiĩ Davida la, n bɛ kɔ.»