Azee 2:19 - LAWA A BOO SONBORE 2011

¹⁹ Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

LAWA A BOO SONBORE

¹⁹ Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

Azee 2:19 ပူးပေါင်းရင်းမြစ်များ

Siin Giala 26:12

Izaaki wuru bɔ bɛa gána lɛ-n bɛa lɛ̀ lɛ ganaa. A màn tɔrɔ mɛn da a nɛ, á bɛa laman paabiɛ bɔ a nɛ. Dɛnaa barka wɔ a nɛ,

Zɔbu 39:12

N tá boe la n nə n foo doa a ganaa, mà á re n wii goɛ a da-n piɛ? Á re goɛ a da sɔkɔn a tamaa ǹ bǎã nɛ?

Loen 133:3

A n ka Ɛrmɔn kele kɛa pele bɛ́ lɔn, pele mɛn bɛ́ gisĩ *Siɔn kele dɔ la. Walan, Dɛnaa Lawa á re barka diɛ ka ganaa: yiikoonaabaa nɛ, yǎa duduu.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Zeremii 31:14

Ma á re siĩ nyɔɔnaa gigiã koe Lawa a wúlu-bɔlen la, ma màn sonbore gigiã kɔ maa zaman la. Dɛnaa Lawa a da ǹ boo ne.

Zowɛli 1:12

*Rezɛ̃ dan nə́ tutusi, gɔ́rɔ dan nə́ bɛbɛnɛ. Grenadie da nɛ, tamaran da nɛ, da nɛ-kɔle tumaa don, ǹ tumaa gã. Min kɔn foo a kɔɔ̃n wa.

Zowɛli 2:14

Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Azee 1:11

Má lɛ̀ gere kɔ gána lɛ nɛ, kaa kele mìin ni, má lɛ̀ gere da kaa *belee wuru-n, rɛzɛ̃ wɔ nɛ ka *olivie wɔ nɛ. Màn mɛn tumaa bɛ́ boe tán la minbuiin nɛ ka tɔɔn wɔ lɛa, ka ka bɛ́ dí mɛn din tumaa nyɛɛ ka ka gɔn nɛ, ma lɛ̀ gere kɔ bɛ tumaa ganaa.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Timəə dí-pɛn 15:10

Ka bɔ ka foo-a, ka kɔ la bɛ̀ ka foo n kɔɔ̃nɛ. Bɛ lɛ n die toɛ kaa Lawa, Dɛnaa Lawa barka da kaa nya ǹ dí tumaa ganaa, ka bɛ́ re n gɔn diɛ dí woo dí ganaa, a bɛ bǐɛ̃ kɔ.

Timəə dí-pɛn 28:22

Dɛnaa Lawa á re gɔ̀nɔn-wɛ̃ diɛ ka ganaa, a ka là paparɛ, ka pɛrɛ. Á re lɛ̀ gere koe kaa mànan ganaa, a gìa da ǹ ganaa, ka doloka nɛ. Bɛn man die goɛ̃ ka gialaa, yǎa ka papaɛ̃.