Amɔɔsi 9:7 - LAWA A BOO SONBORE 2011

⁷ Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

LAWA A BOO SONBORE

⁷ Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

Amɔɔsi 9:7 ပူးပေါင်းရင်းမြစ်များ

Kiin2 16:9

Asiirii gána a kii lɛ lɛ kɔ Ahaazi a boo lɛ ganaa, a dinmaa tɔ́n yoo á woo Damaasi kiwi gialaa, á si á nɔmɔ a ganaa. Á kiwi minin lɛn goa á kiɛ̃ ǹ nɛ Kiiri. Á Resini dɛ á gã.

KZS2 14:12

Azaa laanka a zaman nə́ ǹ kio loo yǎa Gerarɛ. Etiopii minin lɛn kaa wole la yii ni, min goon din goã lon a yii n koo wa. A giala, Dɛnaa Lawa laanka a sɔraasin nə́ ǹ yɔyɔrɛ. Zudaa minin lɛn nə́ gɔn màn gigiã goa, ǹ nə́ woo ne ziabaa ǹ màn lɛa.

KZS2 14:9

Azaa laanka a sɔraasin nə́ sa gɔn bɔ Sefata nyankɔrɔ lɛ kɛ nɛ, kunu Maresaa ganaa.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Izayii 20:4

Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

Izayii 22:6

San laanka kiɛn man Elamu gána a zia kurun gɔn. Ziabaa ǹ wotoron laanka ǹ da baa-a wolen manə ǹ tan, ka sùidɛnan nɛ. Kiiri sɔraasin manə ǹ goóron yɔrɔ boe.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Zeremii 47:4

A giala, Filisiti minin sii tumaa ziziɛ̃ lɛawaa nɛ. Min mɛn tumaa bɛ́ re n doe Tiiri laanka Sidɔn kiwi lɛ, maǹ die bɛn ziziɛ̃. Filisiti minin li, Dɛnaa Lawa n màn tumaa ziziɛ̃, ka min mɛnɛn yii goã koo mu a bǎã da bii wole Krɛti ni.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Amɔɔsi 1:5

Fɔlɔ bàlà mɛn bɛ́ Damaasi *kiwi a kiɛnlɛ kɛ la, ma á re bɛ yiɛ. Kii mɛn lɛ á ke, sii baraa nyankɔrɔ basa kɛ nɛ, ma á re bɛ dii. Kii mɛn lɛ á ke foo kɔɔ̃nbaa ǹ kiwi kɛ nɛ, ma á re dii. Bɛa biikoo li, ǹ tá re Siirii minin kɛn goɛ, ǹ wo ǹ ne Kiiri. Dɛnaa Lawa na á pɛ miɛ̃.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Timəə dí-pɛn 2:23

Avii tɔrɔn kɛn sɛn mɛnɛn nə goã Gaazaa gána nɛ, Kafutɔɔrɔ minin man nə́ goã ǹ nə́ bɛn dɛ, ǹ nə́ giã ǹ bǎã nɛ.