Amɔɔsi 8:8 - LAWA A BOO SONBORE 2011

⁸ Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.

LAWA A BOO SONBORE

⁸ Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.

Amɔɔsi 8:8 ပူးပေါင်းရင်းမြစ်များ

Loen 18:7

Maa fuu lɛ gɔ́ɔ̃ nɛ, má lɛ dia Dɛnaa Lawa la, má n lɛ dɛ maa Lawa lɛ ganaa. Á n toa a bǎã sonbore kɛ nɛ, á ma lɛ ma. Ma lɛ-dɛ mɛn wɔ, á kaa a too ne.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 46:7

Die a kɔnboe n ka Niili tà kɛ nɛ, a mu n dii, a pã a toɛ̃?

Zeremii 46:8

Ezipti gána a kɔnboe n ka Niili tà kɛ nɛ, a mu n dii, a pã a toɛ̃. A n pii: «Man die dii, ma tán si man kɔ lɛ, ma tán tumaa ziziɛ̃, kiwin tumaa nɛ ka zaman mɛn tumaa bɛ́ ǹ nɛ.»

Zeremii 51:29

Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Amɔɔsi 9:5

Bɛ̀ pàã tumaa a Dɛnaa Lawa nə́ n gɔn da tán lɛ ganaa lɔn gɔrɔ a n bìn diɛ. Min tumaa nə n duwi. Tań lɛ tumumaa n yui ka Niili tà kɛa mu bɛ́ lɔn, a wusoo bɛ̀ a waa, ka bɛa tà lɛ a mu bɛ́ lɔn.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.