Amɔɔsi 6:4 - LAWA A BOO SONBORE 2011

⁴ Ka n wɛɛ piìn la, ǹ nə ǹ mɛnɛn nyaǹ kɔ ka don a díi sɔn nɛ, ka n giɛ̃ dankanan la, ǹ mɛnɛn bɛ́ mumuu. Ka dinin lɛn man tɔɔ kuru lɛ a sère ten sonboren soɛ̃, ka dinin lɛn man zìã lɛ a dii ten kasiɛ̃ wolen soɛ̃.

LAWA A BOO SONBORE

⁴ Ka n wɛɛ piìn la, ǹ nə ǹ mɛnɛn nyaǹ kɔ ka don a díi sɔn nɛ, ka n giɛ̃ dankanan la, ǹ mɛnɛn bɛ́ mumuu. Ka dinin lɛn man tɔɔ kuru lɛ a sère ten sonboren soɛ̃, ka dinin lɛn man zìã lɛ a dii ten kasiɛ̃ wolen soɛ̃.

Amɔɔsi 6:4 ပူးပေါင်းရင်းမြစ်များ

Siin Giala 37:25

Bɛ kio, ǹ nə́ giã tán, ǹ nə́ màn bii. Ǹ bɛ́ ǹ nə́ n mìi saa lon, ǹ nə́ nyɔɔmaadɛnan yɛ boe Galaati gána-n die. Isimayeli tɔrɔn manɛ. Da gón gìĩ kɔɔ̃n nə́ ǹ nyɔɔmaan lɛn la, ǹ tá woe-n Ezipti gána nɛ.

Ɛsit 1:6

Maǹ nə́ goã ǹ nə́ mɔnaa gɔn fufu laanka a lɔɔdɛnan yii kɔlɔ tɛ-pele bìbìn ganaa lon. Maǹ nə́ ǹ yii ka biɛ nàn tiɛ̃tiɛ̃nɛn laanka a fũfuĩnin ni. Bɛa biɛ nànan lɛn man wowoe ne wɔrɔ kaaranan nɛ. Sana dankan sɔsɔrɔn laanka wɔrɔ dankan sɔsɔrɔn nə́ goã tán banbaran la. Maǹ nə́ bɛa banbaran lɛ zɛnaa ka kɔlɔ kusi ni, a fu ni, a yii lɔlɔkɔn-a nɛ, a tì ni.

Loen 73:7

A laanɛ ǹ tá kasiɛ̃ nɛ, bɛ̀ ǹ yii bɔ màn li, ǹ gɔ́ɔ̃ n piɛ̃-n ka taasiɛ baraa nɛ.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Zeremii 16:8

Ǹ bɛ́ zɔ́n zɛnɛɛ kion mɛn nɛ, n nyan wɔ walan dɔn wa. N nyan giã tán n màn bii hinlaa n màn mi kun ka bɛa minin kɛn nɛ wa.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Ezekieli 23:41

Bɛ kio, ǹ nə́ giã tán pìi sonbore la, tabala n tán-a ǹ nyɛɛnɛ, ǹ nə́ maa da yon gìĩ kɔɔ̃n kɛ laanka maa nyɔɔ kɛ kaa bɛ la.

Amɔɔsi 3:12

Dɛnaa Lawa na á pɛ: Bɛ̀ yàra tɔɔn-lɛduə̃li a tɔɔ kũ, ta a na á sɔ̃ á toa a gòã paa kɛ li hinlaa a too lɛkoro li, a n bɛ lɛ baɛ̃, a bɔ a lɛ-a. Izirayeli minin mɛnɛn bɛ́ giã-n Samarii kiwi, giã ǹ bǎã sonboren ne, ma dɔ n die bɛn lɛn gialakun boɛɛn sii, ǹ zɔ́ɔn la miɛ̃.

Amɔɔsi 8:3

Dɛnaa, maa Lawa n kɛ pii: «Bɛa pinaa kɛ lɛ nɛ, ǹ bɛ́ loe mɛn loe kii a kion, bɛ á re n bɔyɛɛ a gɛ̀ wuu baa. Gere gigiã á re boe, ǹ tá re geren lɛn zuĩ tán kanaa bǎã yii ni. Bǎã lɛ á re goɛ̃ kiĩn ni.»

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Luku 16:19

Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.