Amɔɔsi 6:10 - LAWA A BOO SONBORE 2011

¹⁰ Ǹ dɔɔ̃n goon tá re die ǹ geren goɛ, a ǹ bɔ kion lɛ nɛ, a wo ǹ tã. Min mɛn yii bɛ́ tɔn koo, durii-n kion lɛ gɔ́ɔ̃ li, á re nɔ̀n diɛ bɛa dɛnaa la: «Min kɔsɔ tá kunun n ni ya?» Bɛ á re a lɛ sii: «Min kɔsɔ banban!» Á re pii-n dɔn: «N lɛ tã koe! A giala, Dɛnaa Lawa tɔ kɛ a n pii pelo wa.»

LAWA A BOO SONBORE

¹⁰ Ǹ dɔɔ̃n goon tá re die ǹ geren goɛ, a ǹ bɔ kion lɛ nɛ, a wo ǹ tã. Min mɛn yii bɛ́ tɔn koo, durii-n kion lɛ gɔ́ɔ̃ li, á re nɔ̀n diɛ bɛa dɛnaa la: «Min kɔsɔ tá kunun n ni ya?» Bɛ á re a lɛ sii: «Min kɔsɔ banban!» Á re pii-n dɔn: «N lɛ tã koe! A giala, Dɛnaa Lawa tɔ kɛ a n pii pelo wa.»

Amɔɔsi 6:10 ပူးပေါင်းရင်းမြစ်များ

Kiin2 23:16

Zoziasi bɛ́ á n yɔrɔ bɔyaa á ga, á gere yalan yɛ tán kele la, á minin dia ǹ nə́ woo bɛa yalan lɛn gere wen waa. Zoziasi bɛa gere wen lɛn tã wúlu bɔ ǹ bǎã lɛ la. Á wúlu bɔ ǹ bǎã lɛ baa màn kooro lɛa bɛa yɔrɔ lɛ la, ka Dɛnaa Lawa goã á ná a boo gii-dali da a pɛ ganaa lɔn, á bɛa siin kɛn boo da.

Kiin2 6:33

A Yiliizee toa tɔn boo gialaa diɛ, bɛ̀ dia dí-a wole lɛ á ke á daa a li. Kii lɛ pɛ Yiliizee ne: «Á ke, kɛa koe kɛ tumaa n boe Dɛnaa Lawa li. Man boe la man yiri koa wàa ganaa a li doo?»

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 44:26

Sɛnɛ, kasɛn Zudaa minin kɛn giã-n Ezipti gána nɛ, ka n too kɔ Dɛnaa Lawa a boo kɛ li! Á ke, masɛ Dɛnaa Lawa, ma nə n liɛ ka ma tɔ gole kɛ nɛ: Ezipti gána tumaa nɛ, Zudaa min kɔn ba re masɛ tɔ pii wa. Min kɔn ba re pii doo: "Ka Dɛnaa Lawa, Lawa yiikoonaa tɔ nɛ wa".

Zeremii 9:21

Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Ezekieli 20:39

Izirayeli minin lɛn, sisia kəni, man kɛ pii ka nɛ: Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Amɔɔsi 5:13

Bɛ lɛ n ke, min mɛn bɛ́ sii doɛ̃, á soɛ, ǹ dɛnaa nə n lɛ tã. A giala, biikoo lɛ baraa kɔ!

Amɔɔsi 8:3

Dɛnaa, maa Lawa n kɛ pii: «Bɛa pinaa kɛ lɛ nɛ, ǹ bɛ́ loe mɛn loe kii a kion, bɛ á re n bɔyɛɛ a gɛ̀ wuu baa. Gere gigiã á re boe, ǹ tá re geren lɛn zuĩ tán kanaa bǎã yii ni. Bǎã lɛ á re goɛ̃ kiĩn ni.»

Minin nimi 17:12

Aarɔn tɔ́n da yon gìĩ kɔɔ̃n kaa ǹ màn lɛ saa, ka Muizu pɛ-n lɔn. Á baa si á woo dɔ zaman lɛ li, bɛ̀ koe á ke á n giala kɔ ǹ ganaa sonbore. Á da yon gìĩ kɔɔ̃n lɛ tã, á sii baraa sawaa ǹ wúlu bɔ ǹ sii zɛnaa zaman lɛ a lɛa.

Samayeli1 31:12

Giĩn mɛnɛn bɛ́ doa boe ǹ nə́ la ǹ miãn manɛ, bɛn nə́ zii saa, ǹ nə́ tèlò goon tumu tɔ wɔ ǹ nə́ woo Sayulu laanka a nɛgiĩn lɛn geren waa ǹ nə́ ǹ bɔ Bɛti-Seyan kiwi a kungɔn ganaa. Ǹ bɛ́ ǹ nə́ n bɔyaa ǹ nə́ daa Zaabɛsi kiwi, ǹ nə́ Sayulu laanka a nɛgiĩn lɛn gere tã walan.