Amɔɔsi 5:5 - LAWA A BOO SONBORE 2011

⁵ Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

LAWA A BOO SONBORE

⁵ Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Amɔɔsi 5:5 ပူးပေါင်းရင်းမြစ်များ

Siin Giala 21:31

Bɛ lɛ na á toa, ǹ nə́ bɛa bǎã lɛ bíi, mà Bɛɛr-Sebaa (bɛ giala mà "Sɔbaa Tù" ka "Liɛwɔ Tù" ni), a giala, mà ǹ dinin min paa tumaa na á n liɛ walan.

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Siin Giala 26:23

Izaaki yoo walan, á woo Bɛɛr-Sebaa kiwi.

Siin Giala 26:33

Izaaki bɛa tù lɛ bíi Siibaa (bɛ giala, mà "Liɛ"). Bɛ lɛ na á toa, ǹ tá kiwi lɛ bíi Bɛɛr-Sebaa haalɛ tɔn pelo, bɛ giala, mà "Liɛwɔ Tù".

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Kiin1 12:29

Á diin nɛ nyín sanadɛnaa lɛ a goon koa Betɛli kiwi, á goon kɛ dɔ koa Dan kiwi.

Kiin2 23:8

Á lɛ dia wúlu-bɔlen tumaa la Zudaa gána a kiwin ni, ǹ nə́ daa. A saa Gebaa ganaa a wo Bɛɛr-Sebaa yaa, ǹ goã da yon giĩ kɔɔ̃n tiɛ̃ bǎãn mɛnɛn nɛ, kii lɛ bɛa bǎãn lɛn soɛ̃ yiɛ. Wúlu bɔ ǹ bǎãn mɛnɛn bɛ́ kiɛnlɛ-a ǹ nɛ, á bɛn ziziɛ̃: Ka *wúlu bɔ ǹ bǎã kɛ bɛ́ lɔn kiɛnlɛ-a ǹ nə́ kiwi mìilandɛnaa Zozoe tɔ kɔ a ganaa, ka kɛ nɛ, bɛ̀ n tá we ka kiwi lɛ a kiɛnlɛ nɛ, n gɔsɛ.

Zɔbu 8:22

Min mɛnɛn bɛ́ n biɛ zɔ́ɔ, sìi á re ǹ kuĩ. Min baraan kɛn kɛbɔlɔ á re kiɛ.»

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Izayii 29:20

Bɛ n die pàã-zɛnaalin pàã a nya giala biɛ. Din-koalin tá re papaɛ̃. Min mɛnɛn bɛ́ zoɛ̃ li mà ǹ sii baraa zɛnaa ǹ miãn nɛ,

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Amɔɔsi 1:5

Fɔlɔ bàlà mɛn bɛ́ Damaasi *kiwi a kiɛnlɛ kɛ la, ma á re bɛ yiɛ. Kii mɛn lɛ á ke, sii baraa nyankɔrɔ basa kɛ nɛ, ma á re bɛ dii. Kii mɛn lɛ á ke foo kɔɔ̃nbaa ǹ kiwi kɛ nɛ, ma á re dii. Bɛa biikoo li, ǹ tá re Siirii minin kɛn goɛ, ǹ wo ǹ ne Kiiri. Dɛnaa Lawa na á pɛ miɛ̃.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 4:4

Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Amɔɔsi 7:10

Bɛ lɛ kio ne, Betɛli kiwi a wúlu-bɔle Amasiya minin dia mà ǹ wo pɛ Izirayeli tɔrɔn kii Zeroboamu ni kɛnɛn: «Amɔɔsi n tán dù bose Izirayeli tɔrɔn lɛn bii. A bɛ́ boo mɛn tumaa diɛ, gána lɛ a minin ba boe la ǹ tá sii ǹ ganaa doo wa.

Amɔɔsi 7:13

Sɛnɛ, n nyan toa n pɛ mà n nə n Lawa a boo gii diɛ Betɛli doo wa. A giala, Betɛli kiwi lɛ n kii a giã ǹ bǎã lɛa, gána lɛ a bǎã gole lɛa.»

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Amɔɔsi 7:9

Ma á re Izaaki tɔrɔn kɛn laanka Izirayeli tɔrɔn wúlu bɔ ǹ bǎãn ziziɛ̃, ma á re zia biɛ Zeroboamu tɔrɔn kɛn ganaa.»

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Korɛnti1 1:28

Minin tan, kanaa minin nə́ giɛ ǹ ganaa màn kooron lɛa. Ǹ ba n yiri koɛ ǹ li wa, ǹ ba màn kɔ́n lɛa ǹ yii li wa. Lawa na á bɛn lɛn bɔ. Sii mɛn bɛ́ kanaa minin nə́ giɛ a ganaa sii taãn lɛa, a là nə́ ǹ ganaa, Lawa n bɛ ziziɛ̃ ka bɛa minin kɛn lɛn nɛ.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Timəə dí-pɛn 28:41

Ka á re nɛgiĩn laanka nɛlɔn yii, sɛnɛ, ǹ ba re kaa wɔ biɛ wa. A giala, ǹ tá re woe bɛ̀rɛbaa ǹ bǎã nɛ.

Zozoe 5:9

Dɛnaa Lawa tɔ́n pɛ Zozoe ne: «Pelo, má Ezipti minin sìi da ǹ sii kɛ toɛ̃ ma bɔ ka ganaa.» Bɛ lɛ nɛ, ǹ nə́ tɔ́n bɛa bǎã lɛ bii Gilgaali, yǎa a da kaa pelo lɛ, bɛ n "sìi toɛ̃" giala pii.

Sii-nyaan 18:17

A pàãmabaa ǹ màn damata lɛ yii papaã biikoo goon toto dinsɔɔ̃ gɔ́ɔ̃ nɛ!» Yìsi mu la ǹ goo a goledɛnan nɛ, ka ǹ zii tɔ-wɔlen ne, ka goo lɛ a dabaalin ni, ka min mɛnɛn tumaa bɛ́ dí nyɛɛ mu la, bɛn tumaa nə́ n zɔ̃ ǹ nə́ giã tiãlɛa.

Samayeli1 11:14

Samayeli pɛ zaman lɛ nɛ: «Ka daa, wɔ wo Gilgaali, wɔ wo nyaa mà Sayulu n kii lɛa.»

Samayeli1 7:16

Lɛ̀ tunaa nɛ, a na á goã n biĩ, a wo Betɛli, a kiɛ̃ a wo Gilgaali kiwi laanka Misipaa kiwi. A na á goã Izirayeli minin sii yɔrɔ boe bɛa bǎãn kɛn lɛn tumaa nɛ.

Samayeli1 8:2

A nɛ goledɛnaa lɛ tɔ n Zowɛli, bɛ kiodɛnaa tɔ n Abiya. Maǹ nə́ goã sii yɔrɔ bolen lɛa Bɛɛr-Sebaa kiwi.