Amɔɔsi 5:4 - LAWA A BOO SONBORE 2011

⁴ Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

LAWA A BOO SONBORE

⁴ Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

Amɔɔsi 5:4 ပူးပေါင်းရင်းမြစ်များ

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 20:3

Nyɛ́ɛ Zozafati kũ, á n bɔyaa á ga Dɛnaa Lawa li. Á pɛ Zudaa min tumaa nɛ mà ǹ nə n lɛ sɔɔ.

KZS2 20:4

Zudaa minin lɛn nə́ bɔ gána lɛ a kiwi din tumaa nɛ, ǹ nə́ n sɔkɔn, ǹ nə́ ga Dɛnaa Lawa a dɔmalɛ li.

KZS2 34:3

Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

Loen 14:2

Dɛnaa Lawa nə́ n toa lon a ga minbuiinin ganaa, a n giɛ bɛ̀ yiridɛnaa goon tá ǹ bii, bɛ̀ yiridɛnaa tá ǹ bii, á n giɛ Lawa li.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 27:8

Dɛnaa Lawa, n boo mɛn da, mà: «Ka ga ma li», man taasiɛ we bɛa boo lɛ ganaa. Dɛnaa Lawa, man giɛ n din li.

Loen 69:32

Bɛ din nə kɔɔ̃n Dɛnaa Lawa ganaa, á la dii ni, á la dii gɔ̀lɔ̀ gole ne.

Loen 69:33

Bɛ̀ fuu-yɛlen nə́ maa kirisibaa lɛ yɛ, ǹ tá re n nyɛnyɛɛ. Kasɛn mɛnɛn bɛ́ giɛ Lawa li, a die a kasɛn foo nyɛɛ.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Zeremii 38:20

Sɛnɛ, Zeremii pɛ nɛ: «Haayii, ǹ ba re n we ǹ gɔn wa. N too kɔ Dɛnaa Lawa a boo kɛ li doɛ̃ ma á pii n ni. N sii tumaa á re bǐɛ̃ koe, n yii á re goɛ̃ koo.

Ezekieli 18:9

A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Matiə 7:8

A giala, min mɛn bɛ́ màn nyankoe Lawa la, Lawa á re màn koe bɛa dɛnaa la. Min mɛn bɛ́ giɛ màn li Lawa li, bɛa dɛnaa á die màn yii. Min mɛn dɔ bɛ́ kiɛnlɛ dii, Lawa á die kiɛnlɛ buĩ bɛa dɛnaa nɛ.

Timəə dí-pɛn 32:46

á pɛ ǹ nɛ: «Ma boon mɛnɛn tumaa pɛ ka-n pelo, ka ǹ kũ ka parsiini. Ka dɔn die ka pɛ ka laa kaa nɛnyaanan ganaa, màn mɛn bɛ́ toɛ, ǹ nə n yiri koa dí-pɛ kɛ lɛ a boon tumaa li ǹ kɔ ǹ lɛ.

Timəə dí-pɛn 32:47

A giala, boo kɛ lɛ bie boo kooro lɛa wa. Boo kɛ lɛ, ka nyin biɛ nɛ. Bɛ̀ ká si, ka bɛ́ re Zurdɛ̃ tà kuri, ka wɔ gána mɛn lɛ nɛ ka si ka baa kaa wɔ lɛa, ka á re nyin sasa yii a nɛ.»

Timəə dí-pɛn 4:29

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.