Amɔɔsi 5:20 - LAWA A BOO SONBORE 2011

²⁰ Dɛnaa Lawa a lɛawaa kɛ lɛ, ka á re n boe a nɛ? A n die tèlò biɛ tì biribiri, wɔlɔ fúlu boo bie wa.

LAWA A BOO SONBORE

²⁰ Dɛnaa Lawa a lɛawaa kɛ lɛ, ka á re n boe a nɛ? A n die tèlò biɛ tì biribiri, wɔlɔ fúlu boo bie wa.

Amɔɔsi 5:20 ပူးပေါင်းရင်းမြစ်များ

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 8:22

bɛ kio, ǹ tá re n yɔrɔ diɛ tán: Sɛnɛ á ke, maǹ die koe dinsɔɔ̃ yii, wɔlɔ tì biribiri ni, nyɛ́ɛ gole ne ka tèlò tì biribiri ni, ǹ bɛ́ re ǹ noɛ̃ ǹ nə ǹ zũ bǎã mɛn nɛ.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Sofonii 1:15

Foo-yoo lɛawaa nɛ, bɔ̀n ka nyɛ́ɛ lɛawaa nɛ, ziziɛ̃ nɛ, ka gɛ̀ nɛ, tèlò ka wɔlɔ tì lɛawaa nɛ.

Matiə 22:13

Kii lɛ tɔ́n pɛ a dí-nyalin manɛ: «Ka kũ ka a gòã laanka a gɔnɔn yii, ka saa ka zũ kanaa wɔlɔ tì li. Á die wuu pii walan, a sɔ kere bɔ.»

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Sii-nyaan 16:10

Lon a dia dí-a wole lɛ a soorobaa ǹ wɔ ná a wɔ binyəə Tɔɔ lɛ a kii dankan ganaa. A pàã giulun minin tumaa papaã wɔlɔ tì li. Min tumaa goã sɔn doe a din lɛwɔn ganaa là-paparɛɛ gɔn.