Amɔɔsi 5:2 - LAWA A BOO SONBORE 2011

² Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

LAWA A BOO SONBORE

² Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

Amɔɔsi 5:2 ပူးပေါင်းရင်းမြစ်များ

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Izayii 14:21

Ka n yɔrɔ bɔ ka a nɛnyaanan dɛ, ǹ díi a sii baraan kɛn tumaa taman yii. Màn mɛn bɛ́ toɛ, ǹ baran n kɔ tán tumaa lɛ ǹ kiwi dadaran dɔ la wa.

Izayii 24:20

Yɔ bɛ́ min yii kuĩ a tatalaa lɔn, tán nə tatalɛɛ miɛ̃, ka piɛ̃ bɛ́ bìn diɛ siã ganaa bɛ̀ a n kanaa lɔn. A n mɛnɛɛ a sãn taman yii, a boe la a yoo doo wa.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 37:22

Á ke, Dɛnaa Lawa n kɛ pii Senankeribu a paǹ li: N tìĩ bɔ *Siɔn kiwi ni, a n yaa we n ganaa. Zeruzalɛmu kiwi nə n mìi papasɛ n ganaa.

Izayii 43:17

Á soo ziabaa ǹ wotoron laanka sùin ni a nɛ, ka sɔraasin ni ka ziabaali zanbian nɛ. Ǹ nə́ mɛnaa, ǹ yoo duduu wa. Ǹ nə́ nimi, ka bolon tɛ bɛ́ lɔn.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 18:13

Dɛnaa Lawa n kɛ pii: Ka nɔ̀n da tɔrɔ kɔsɔ minin la: Ka bin tɔn boon kɛn miãn ma? Izirayeli zaman lɛ na á sii bɔbɔnɛɛn zɛnaa.

Zeremii 2:27

Nyín mɛn bɛ́ gɔn lɛa, ka ǹ pii bɛ nɛ: «Maa díi ni n ni!» Nyín mɛn bɛ́ kɔlɔ lɛa, ka n pii bɛ nɛ: «N din ni n ma da kanaa!» Màn mɛn tá-a ka n yɔrɔ dia masɛ la, ka nə n dɔ̀ɔ̃ we ma nɛ. Sɛnɛ, bɛ̀ koe ka yɛ lɔn gɔrɔ, ka ǹ pii ma-n kɛnɛn: «Yoo, n wɔ kirisibaa!»

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 50:32

Din koa wole nə n gòã niɛ a mɛnaa. Min kɔn ba yii a saa a da lon wa. Man tɛ diɛ a kiwin gana. Màn mɛn tumaa bɛ́ ǹ lɛnpɛnɛ, man tɛ diɛ a tumaa ganaa.

Zeremii 51:64

A pɛ: «Baabilonii n die papaɛ̃ kɛa yɔrɔ kɛ lɛ la. Dɛnaa Lawa bɛ́ re koen mɛnɛn diɛ la, a re yui bɛ kɔn kio doo wa.» «Zaman lɛ á re papaɛ̃.» Zeremii a boon manə n lɛ doɛ kànaa.

Zeremii 8:4

Dɛnaa Lawa a boo á ke: Bɛ̀ min mɛnaa, a n yui. Bɛ̀ min sã zii ganaa, a n wusii ka a kio ne.

Zeremii 9:21

Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Zeremii 9:9

Kelen mìi ni, man wuu pii, má n gini. Man gɛ̀ loe loe gána lɛ a tɔɔn lɛduə̃ ǹ bǎã nɛ. A giala, tɛ ná a tumaa kũ. Min kɔn ba boe walan wa. Tɔɔn bìn diɛ á boe walan doo wa. Ǹ tumaa sasawaa, bàanan nɛ ka tɔɔ gialakunun tumaa nɛ, ǹ goon din banban.

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.