Amɔɔsi 4:9 - LAWA A BOO SONBORE 2011

⁹ Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

LAWA A BOO SONBORE

⁹ Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Amɔɔsi 4:9 ပူးပေါင်းရင်းမြစ်များ

Kiin1 8:37

Ta bòo n gána lɛ nɛ, ta piɛ̃ busu ni, ta già nɛ, ta doloka nɛ, ta bisinin manɛ, ta gána lɛ a zɔ́ɔn man na a kiwi tamaa wolen kũ, ta bɔ̀n sii mɛn nɛ, ta busu mɛn nɛ,

KZS2 6:28

Ta bòo n gána lɛ nɛ, ta piɛ̃ busu ni, ta già nɛ, ta doloka nɛ, ta bisinin manɛ, ta kondoon ne, ta gána lɛ a zɔ́ɔn man ná a kiwi tamaa wolen kũ, ta bɔ̀n sii mɛn nɛ, ta busu mɛn nɛ,

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Ozee 11:5

Izirayeli tɔrɔn lɛn ba re wusii ǹ da Ezipti doo wa, sɛnɛ Asiirii gána kɛ n die goɛ̃ ǹ mìi la, a giala ǹ nə́ n piã mà ǹ ba wusii ǹ da masɛ li wa.

Zowɛli 1:4

Tangiəə̃ nə sɔ̃ á màn mɛn toa, bisin nɛ muə bɛ goa bisin nɛ muə sɔ̃ á màn mɛn toa, bisin tenən nə́ bɛ goa bisin tenən nə sɔ̃ ǹ nə́ màn mɛn toa, bisin dadaran nə́ bɛ goa.

Zowɛli 1:7

Ǹ nə́ maa rezɛ̃ wuru ziziɛ̃, maa gɔ́rɔ dan kɛn, ǹ nə́ bɛn kakã. Ǹ nə́ ǹ fɔrɔ tumaa gagasaã, ǹ nə́ pɛpɛsɛ̃ tán. Ǹ gùrù bibisinin kɛn tumaa fufu kɔ.

Zowɛli 2:25

Bisin nɛ muən ne, bisin tenən ne, bisin dadaran laanka tangiəə̃nən ne, kɛn lɛn má ǹ dia die ka gialaa, gigiã ka sɔraasin bɛ́ lɔn, bɛn nə basaã mɛn kɔ ka nɛ, lɛ̀ damata gɔ́ɔ̃ nɛ ma á re bɛ dòo sarɛɛ.

Amɔɔsi 4:6

Ma din nə má toa bòo wɔ kaa kiwin tumaa nɛ, ma din nə má toa màn-bii wɛɛ̃ kɔ kaa kionən tumaa nɛ. Sɛnɛ a laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Amɔɔsi 4:8

Minin man soe kiwi kɛ-a, ǹ wo kɛ nɛ, ǹ nə́ tatalɛ, ǹ nə́ giɛ mi ǹ mu li, sɛnɛ, ǹ mu yɛ ǹ nə́ mi, á ǹ bɔ wa. A laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Azee 2:17

Má dɔlɔ bɔ ka ganaa ka gìa nɛ, doloka nɛ ka la gii ni. Gɔn dí bɛ́ màn mɛn koe ka la, ma bɛ tumaa ziziɛ̃. Ka bɛ tumaa nɛ, ka n bɔyaa ka daa ma li wa. Dɛnaa Lawa a da ǹ boo ne.

Malakii 3:11

Ma á re bisĩnin kuri, ǹ ba re basaã koe kaa wurun ni doo wa, ǹ ba re kaa *rezɛ̃ dan sàabiɛ nɛ kɔ ganaa wa. Má n lɛ kɔ ka la.

Timəə dí-pɛn 28:22

Dɛnaa Lawa á re gɔ̀nɔn-wɛ̃ diɛ ka ganaa, a ka là paparɛ, ka pɛrɛ. Á re lɛ̀ gere koe kaa mànan ganaa, a gìa da ǹ ganaa, ka doloka nɛ. Bɛn man die goɛ̃ ka gialaa, yǎa ka papaɛ̃.

Timəə dí-pɛn 28:42

Kaa da din tumaa, màn woo màn tá boe kaa tán la, bisinin tá re bɛ sii ǹ nə n kɔ lɛ.