Amɔɔsi 4:4 - LAWA A BOO SONBORE 2011

⁴ Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

LAWA A BOO SONBORE

⁴ Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Amɔɔsi 4:4 ပူးပေါင်းရင်းမြစ်များ

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Ezekieli 20:39

Izirayeli minin lɛn, sisia kəni, man kɛ pii ka nɛ: Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Matiə 23:32

Haya! Ka digolon nə sii mɛn giala kɔ, kasɛn nə n doa ka a lɛ pã!

Matiə 26:45

Bɛ kio, á wusoo á daa a kialandɛnan lɛn li, á pɛ ǹ nɛ: «Ka n tɔn nyuù we ka tá n susui? Á ke, biikoo dɔ. Ǹ tá re Min a Nɛgiĩ we sii baraa-zɛnaali n gɔn.

Marki 14:41

A sɔɔbaa ǹ wɔ, a bɛ́ á wusoo á daa, á nɔmaa á pɛ ǹ nɛ: «Ka n tɔn nyuù we, ka á n susui? A lɛ pã kəni! Biikoo dɔ. Ka ga, ǹ tá re Min a Nɛgiĩ we sii baraa-zɛnaalin gɔn.

Marki 5:5

Biikoo yii, penleen ba la wa, tèlò ba la wa, a na á goã n bibiĩ geren bĩ ǹ bǎã nɛ, á wo kelen la, bɛ̀ a n lɛ dɛ, a n din tɔtoɛ̃ ka kɔlɔ nɛ.

Timəə dí-pɛn 26:12

Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.