Amɔɔsi 4:2 - LAWA A BOO SONBORE 2011

² Bɛ lɛ nɛ, Dɛnaa Lawa nə́ n liɛ: Bɛ̀ ma dinsɔɔ̃-n Dɛnaa Lawa taãn lɛa sonbore, á ke, lɛawaan tá re die, ǹ tá re ka kuĩ, ka kan nɛ, ǹ tá re kaa nɛnyaanan kuĩ, ka kòɛɛ̃nɛn nɛ, zɔ̀ wɔ baa nɛ.

LAWA A BOO SONBORE

² Bɛ lɛ nɛ, Dɛnaa Lawa nə́ n liɛ: Bɛ̀ ma dinsɔɔ̃-n Dɛnaa Lawa taãn lɛa sonbore, á ke, lɛawaan tá re die, ǹ tá re ka kuĩ, ka kan nɛ, ǹ tá re kaa nɛnyaanan kuĩ, ka kòɛɛ̃nɛn nɛ, zɔ̀ wɔ baa nɛ.

Amɔɔsi 4:2 ပူးပေါင်းရင်းမြစ်များ

Loen 89:35

Ma a re maa lɛ kɔ kɔn la kɛ niɛ̃, ma bɔ kɔn wa, boo mɛn bɔ ma din lɛ-n, ma a re bɛ bɔyɛɛ wa.

Loen 89:36

Man má bɛa liɛ kɛ lɛ wɔ, gunyin goon toto, má koa ma din Lawa a siĩnbaa kɛ la. A na a tan yǎa duduu, ma a re Davida bebele wa.

Izayii 37:29

Hiĩ, n foo bɛ́ á yoo masɛ li, n tɔ ziziɛ̃ ǹ boo mɛn da, á kaa ma too ne. Bɛ lɛ nɛ, man die fɔlɔ biɛ diɛ n nyin ni, ma karfɔ wɔ n lɛ-n. N kɔ zii mɛn lɛ n daa kànaa, man die wusii ma n da bɛ lɛ la, n wo piɛ.

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Ezekieli 29:4

Nsɛ basa gole ke, ma á re koɛɛ̃n we n lɛ-n, ma n baã ma soo n ne, n din laanka zɔ̀nɔn kɛn tumaa wɔrɛɛ nɛ n fɔ́rɔ ganaa.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 38:4

Ma á re karafɔ we n lɛ-n, ma n baã ka pàã nɛ ma soo n ne, kun ka n sɔraasin kɛn tumaa nɛ, n sùin laanka n sùi da baalin ni, nyaǹ mànan nə́ ǹ ganaa sɔnbɔraanɛ. Maǹ sɔraasi damata lɛa, goóro bɔnboɛɛnɛn laanka a dadaran nɛ ǹ gɔn ka gɔya san nɛ.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Amɔɔsi 8:7

Dɛnaa Lawa tɔ́n pɛ kɛnɛn: Izirayeli minin tá ǹ dinin gole koe ǹ kiwi a lɛa. Man nə n liɛ ka ǹ gána lɛ nɛ kəni. Ma yiri á re boe ka ǹ nya ǹ dí kɛ kɔn nɛ duduu wa.