Amɔɔsi 3:2 - LAWA A BOO SONBORE 2011

² Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

LAWA A BOO SONBORE

² Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Amɔɔsi 3:2 ပူးပေါင်းရင်းမြစ်များ

Siin Giala 10:32

Nowee a nɛnyaanan lɛn sɔmɔ lɛ minin man ka bɛn nɛ, ǹ nə́ n tɔ kɔn lɛ kion lɛ li, ǹ nə́ tɔrɔn baa. Tɔrɔn man nə́ bɔ ǹ dinin lɛn nɛ, ǹ nə́ n sasawaa tán la bǎã tumaa nɛ, bɔ̀n da ǹ mu gole lɛ a kiɛ̃ kio.

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 147:19

A din na a boo nyɛɛ Zakɔba tɔrɔn manɛ. A na a landan laanka a dí-pɛn koe Izirayeli minin la.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Izayii 63:19

Haalɛ bibi, n ba wɔa kii lɛa doo wa, n tɔ ba wɔ ganaa doo wa. E! Bɛ̀ ma nə ń lon toɛ̃, ń daa gisĩ tán! Kelen tá re bìn diɛ n nyɛɛnɛ!

Zeremii 1:15

Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 11:22

Bɛ lɛ nɛ, Dɛnaa Lawa Pàãyiidɛnaa n kɛ pii: «Man die yui ǹ gialaa. Ǹ tá re ǹ nɛ tenən dii zia la. Bòo á re ǹ nɛgiĩn laanka ǹ nɛlɔn dii.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 9:25

Sonbore, Ezipti minin ni, Zudaa minin ni, Edɔmu minin ni, Amɔn tɔrɔn nɛ, Moabu minin ni, ka diə gole minin kɛn nɛ n karazɔɔ ka koɛ̃, bɛn kuriimaa bie wa. Izirayeli minin lɛn dininmaa kuriimaa bie masɛ Dɛnaa Lawa yii li wa.

Ezekieli 5:9

Ǹ zɛnaa ǹ siin lɛn nə́ bɔbɔnɛɛ kɔ á la yii ni. Bɛ lɛ taman yii, ma bɛ́ re sii mɛn zɛnɛɛ ka nɛ, ma bin nə ǹ miã zɛnaa duduu wa, ma ba re ǹ miã dɔ din zɛnɛɛ doo duduu wa.

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Danayeli sɛ́wɔ 9:12

N boon mɛnɛn da wɔ dininmaan wɔ paǹ li ka goledɛnan mɛnɛn dɔn bɛ́ ǹ nə́ goã wɔ mìi la, ń bɛn sii zɛnaa ń ná a lɛ pã: n nə́ ń bɔ̀n gole da wɔ ganaa Zeruzalɛmu kiwi, ǹ miã kɔsɔ tɔn nə n zɛnaa bǎã kɔn nɛ kanaa kɛ-n wa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 5:3

Masɛ á Efrayimu tɔrɔn kɛn doɛ̃, Izirayeli tɔrɔn kɛn sii kɔn ba durii-n masɛ ganaa wa. Efrayimu tɔrɔn, ka kɔrɔbaa zɛnaa. Izirayeli tɔrɔn, ka *gɔ̀ da ka dinin ganaa.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 3:3

Bɛ̀ ń min paa yaa koɛ kun, maǹ nə́ kɔn wɔ ma.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Nahumu 3:4

Ninivu sii baraa zɛnaa á la yii ni. A siĩnbaa taman yii, a n ka kɔrɔbaali bɛ́ lɔn, minin yiri sii. A n ka dagòãdɛnaa bɛ́ lɔn, minin yiri sii. Bɛ lɛ taman yii, tɔrɔ gigiã ná a bɛ̀rɛ baa.

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Rɔmu minin 2:9

Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Timəə dí-pɛn 10:15

Sɛnɛ, a laan bɛ yii ni, Dɛnaa Lawa na á goã kun ka ka digolon lɛn nɛ, á ǹ narɛ. Ǹ tɔrɔn mɛnɛn bɛ́ ǹ kio, bɛ giala, ka dinin lɛn, a na á ka yii gɔgɔɔ̃, á ka bɔ tɔrɔ kɔsɔn bii, ka a bɛ́ ke lɔn pelo.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timəə dí-pɛn 4:32

Siin mɛnɛn nə n zɛnaa lɛlɛ, bɛ̀ ka bɛ́ ka tɔn yɛ bɔrɔ wa, Lawa bɛ́ minbuiin nɛ zɛnɛɛ tán la ǹ mɛn pinaa, ka n taasɛ ka bɛ nɛ. Ka nɔ̀n da kanaa paǹ tumaa nɛ, bɛ̀ bɛ miã sii gole kɛ bin tɔ́n nə n zɛnaa, bɛ̀ min bin nə́ ǹ miã ma.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!