Amɔɔsi 2:4 - LAWA A BOO SONBORE 2011

⁴ Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

LAWA A BOO SONBORE

⁴ Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 2:4 ပူးပေါင်းရင်းမြစ်များ

Kiin2 17:19

Sɛnɛ Zudaa tɔrɔn dɔn nə ǹ Lawa, Dɛnaa Lawa a gɔn waa ǹ boon lɛn tamaa wa. Landan mɛnɛn bɛ́ Izirayeli minin nə́ ǹ koa, maǹ nə́ kɔ bɛn lɛ.

KZS2 25:14

Amasiya bɛ́ á boo Edɔmu minin la, á n bɔyaa á daa ka Seyiri minin dìn nyínin ni. Á ǹ baa a lawan lɛa, a nə́ ǹ guguru koe, á n màn gìĩ kɔɔ̃n tiɛ̃ ǹ wɔ lɛa.

KZS2 30:7

Ka nyan kɔ ka din laanka ka dɔɔ̃nɔn lɛn zɛnaa ǹ siin lɛ wa. Ǹ bɔlɔgoondɛnan baa Dɛnaa Lawa, ǹ digolon Lawa-n wa, á bɔ̀n da ǹ ganaa ka ka yii bɛ́ a ganaa lɔn.

Nehemii 1:7

A giala wɔ́ wɔ n lon baraa. Ǹ gɔn waa ǹ boon kɛn nɛ, ǹ landa boon kɛn nɛ, sii yɔrɔ bɔ ǹ boon kɛn nɛ, ń nə́ ǹ kɔ n dí-nyali Muizu la, wɔ bɛn tamaa wa.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Zeremii 16:11

N die n nə ǹ lɛ si kɛnɛn: – Dɛnaa Lawa a da ǹ boo á ke: «A giala, ka digolon man nə́ n la bɔ ma ganaa, ǹ nə́ kɔ lawa kɔsɔn lɛ, ǹ nə́ ǹ guguru kɔ, ǹ nə́ kaa tán-a ǹ yɔrɔ-a. Ǹ nə́ n la bɔ masɛ ganaa, ǹ maa dí-pɛn kɛn tamaa wa.

Zeremii 16:12

Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Zeremii 9:14

Á bǐɛ̃ kɔ, masɛ Dɛnaa Lawa Pàãyiidɛnaa, Izirayeli a Lawa bɛ́ boo mɛn diɛ, á ke: Líɛ mɛn bɛ́ kɔɔsɛ, man die bɛ biɛ ǹ màn-bii lɛa, ma ǹ da sèwò mii ganaa.

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Ezekieli 20:13

Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.

Ezekieli 20:16

A giala, ǹ nə́ maa sii yɔrɔ bɔ ǹ boon kɛn puusə kɔ, ǹ tɔ wɔ á kɔnpɛ ka maa landa boon kɛn nɛ wa, ǹ nə́ maa susu ǹ piin kɛn ziziɛ̃. A giala, ǹ taasiɛ na á goã doa nɛ ǹ dìn lɛn ganaa.

Ezekieli 20:18

Má kɛ pɛ ǹ nɛnyaanan manɛ don lɛ nɛ: «Ka baran kɔ ka digolen landa siin kɛn lɛ wa, ka baran ǹ sii zɛnaa ǹ gɔn saa wa, ka baran ǹ dìn kɛn guguru kɔ, ka *gɔ̀ da ka dinin ganaa wa.

Ezekieli 20:24

A giala, ǹ goã koe maa sii yɔrɔ bɔ ǹ boon kɛn lɛ wa, ǹ nə́ n piã ka maa landa boon kɛn nɛ, ǹ nə́ maa susu ǹ piin kɛn ziziɛ̃, ǹ nə́ n yiin doa ǹ digolon dìn kɛn la.

Ezekieli 20:30

Bɛ lɛ taman yii, kɛ pɛ Izirayeli tɔrɔn lɛn manɛ: «Masɛ Dɛnaa Lawa gole n kɛ pii: Haya! Ka bɛ́ ká ka digolon giã ǹ gɔn saa, ká kɔrɔbaa zɛnaa kun ka ǹ dì bɔbɔnɛɛn kɛn nɛ, ka n ká *gɔ̀ da ka dinin ganaa.

Ezekieli 22:28

Kiwi lɛ dɔ a Lawa a boo gii-dalin man pìi koe bɛa siin lɛn lɛ. Taásiɛ kokooron laanka soɛ boon manɛ, ǹ tá ǹ pii minin manɛ: «Dɛnaa Lawa gole n kɛ pii,» a da yaa masɛ Dɛnaa Lawa boo da wa.

Ezekieli 22:8

Mànan mɛnɛn bɛ́ maa wɔn lɛa, maǹ sàn koe ka bɛn nɛ, ǹ tá maa susu ǹ piin kɛn ziziɛ̃.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Ozee 6:11

Zudaa minin lɛn, manə n yɔrɔ boe die kiri we ka dɔn ganaa, bɛ á zɛnɛɛ, bɛ̀ má maa minin giã ǹ gɔn zizi kɛ kɔ ǹ la.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Rɔmu minin 1:25

Lawa màn mɛn da, maǹ bɛ guguru koe, sɛnɛ, Lawa din mɛn bɛ́ màn lɛ a diɛ wole lɛa, ǹ ba bɛ guguru koe wa. Haalɛ ka bɛ yii ni, Lawa tɔ n goɛ̃ guguru miɛ̃ yǎa duduu. A n miɛ̃! Ǹ bɛ́ ǹ nə́ Lawa a sonbore kɛ dɔ̃, ǹ ná a lonkɔ ka soɛ nɛ.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.