Amɔɔsi 2:11 - LAWA A BOO SONBORE 2011

¹¹ Má kaa nɛnyaanan kɔnɔn dɔn dinin bɔ maa boo gii-dalin lɛa, má kaa tɔntɔraa tenən kɔnɔn bɔ, din-kɔlen lɛa, maa dí kɛa lɛa. A n zɛnaa miɛ̃ wa, Izirayeli minin lɛn? Masɛ Dɛnaa Lawa n nɔ̀n diɛ ka la!

LAWA A BOO SONBORE

¹¹ Má kaa nɛnyaanan kɔnɔn dɔn dinin bɔ maa boo gii-dalin lɛa, má kaa tɔntɔraa tenən kɔnɔn bɔ, din-kɔlen lɛa, maa dí kɛa lɛa. A n zɛnaa miɛ̃ wa, Izirayeli minin lɛn? Masɛ Dɛnaa Lawa n nɔ̀n diɛ ka la!

Amɔɔsi 2:11 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:16

N die n nyɔɔ lɔ Nimisi a nɛgiĩ Zewu ganaa, n koa Izirayeli gána a kii lɛa. Saafaati mɛn bɛ́ boe Abeli-Mewolaa kiwi, n die n nyɔɔ lɔ bɛa nɛgiĩ Yiliizee dɔ ganaa, n koa Lawa a boo gii-dali lɛa n din dòo.

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Kiin1 20:35

Bɛ kio, Lawa a boo gii-dalin lɛn, zaman lɛa kun, Dɛnaa Lawa bɛa goon da a pɛ ganaa ǹ miã n kɛnɛn: «Bǐɛ̃ kɔ n masɛ dɛ.» Sɛnɛ a pɛ giĩ mɛn lɛ nɛ, bɛ nə́ n piã a dɛ wa.

Kiin1 20:41

Bɛ kio, mɔnaa mɛn goã koe-n Lawa a boo gii-dali lɛ yɔrɔ lɛ, á bɛ bɔ fufuu, bɛa biikoo li, Izirayeli a kii lɛ tɔ́n dɔ̃, mà Lawa a boo gii-dalin lɛn goon ne.

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 6:1

Lawa a boo gii-dalin lɛn nə́ pɛ Yiliizee ne: «Ga, wɔsɛn bɛ́ giã-n tán bǎã mɛn nɛ n nyɛɛnɛ, á kiɛɛrɛ kɔ wɔsɛn ganaa á la yii ni.

KZS2 36:15

Dɛnaa Lawa, ǹ digolon Lawa á nɛn bɛ̀ a na a dia dí-a wolen dia ǹ la biikoo tɛn li. Taãn nɛ, Lawa a kion lɛ laanka a zaman lɛ makara n boe Dɛnaa Lawa ganaa.

Zeremii 11:21

Bɛ lɛ nɛ, Dɛnaa Lawa a da ǹ boo á ke Anaatɔti minin ganaa, kɛn giɛ n gɛ̀ li, ǹ nə́ pii: «N nyan Lawa a boo gii da ǹ boo da wɔ-n doo Dɛnaa Lawa tɔ-n wa. Bɛ bie wa, wɔ n die n nyin boe.»

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zeremii 26:11

Lawa a wúlu-bɔlen laanka Lawa a boo gii-dalin lɛn nə́ tɔn kɛ pɛ gána nyɛɛnaandɛnan lɛn manɛ ka zaman lɛ tumaa nɛ: «Giĩ kɛ doamaa-n ka gɛ̀ nɛ. A giala, a na á boo da Zeruzalɛmu ganaa. Ka dinin too bɛ́ á ma!»

Zeremii 7:25

A kũ ka digolon soo Eziptin pinaa ganaa a da pelo yaa, baraabaraa, ma maa dí-nyalin, maa boo gii-dalin dia ka la dí lɛa.

Busii pɛ 4:7

Gána lɛ a nyɛɛnaandɛnan nə́ goã kakabaa la. Ǹ gɔ̀nɔn nə siĩni, a n tɛ pii. Ǹ kakabaa lɛ piɛ̃maa nɛ.

Misee 2:6

Gialakunun mà yǎa man lɛ tiɛ̃, mà ma din a pɛ ke, mà sìi á die ǹsɛn kuĩ, mà baãnaabaa ǹ boo ne.

Nya ǹ dín 4:18

Ǹ nə́ minin dia, mà ǹ wusoo ǹ da Piɛrɛ laanka Zaã lɛ nɛ ǹsɛn yɔrɔ-a. Ǹ nə́ pɛ ǹ nə́ laa ǹ ganaa taãn-taãnɛ: «Ka baran Yezu tɔ laakalaa min ni doo wa, ka baran min dɔ daraa-a wa.»

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.

Samayeli1 19:20

Sayulu minin dia mà ǹ wo Davida kũ. Ǹ nə́ woo Lawa a boo gii-dalin yaa bɛ̀ ǹ nə́ kaa kɔn li, ǹ tá a gialaa Lawa a boo gii-dalibaa ǹ siin zɛnɛɛ, Samayeli nə́ ǹ mìi la. Lawa yiri gisĩ Sayulu a minin lɛn la, ǹ dɔn nə́ goã Lawa a boo gii-dali baa ǹ siin zɛnɛɛ.

Samayeli1 3:20

A saa Dan kiwi ganaa a wo Bɛɛr-Sebaa yaa, Izirayeli minin tumaa dɔ̃ mà ǹ nə́ Samayeli koa Dɛnaa Lawa a boo gii-dali lɛa.