Amɔɔsi 2:10 - LAWA A BOO SONBORE 2011

¹⁰ Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

LAWA A BOO SONBORE

¹⁰ Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Amɔɔsi 2:10 ပူးပေါင်းရင်းမြစ်များ

Nehemii 9:21

Lɛ̀ pusi gɔ́ɔ̃ nɛ, ń ga ǹ walan don, màn kɔn nyaabaa ǹ ganaa wa, ǹ dɔnkɛn nə kun baa wa, ǹ gòãn dɔn nə yuyu wa.

Loen 95:10

Ka digolon zaman lɛ ma foo busu yǎa lɛ̀ pusi. Bɛ lɛ nɛ, má pɛ: Kɛa tɔrɔ kɛ yiri nə́ n si la, a ba ma dùũ sii doɛ̃ wa.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Ezekieli 20:10

Má ǹ waa má ǹ bɔ Ezipti gána-n sonbore, ma woo ǹ ne diə gole kɛ gɔ́ɔ̃ nɛ.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 9:7

Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

Misee 6:4

Maa ka waa a bɔ Ezipti gána-n lɛ sɛ a lɛa nɛ? Maa ka si bɛ̀rɛbaa la lɛ a lɛa nɛ? Hinlaa Muizu dia ka la kɛa lɛa nɛ, ka Aarɔn laanka Miriyamu ni?

Minin nimi 13:32

Ǹ goã ǹ nə́ woo ga gána mɛn lɛ-a, ǹ nə́ tɔ́n bɔ ǹ nə́ mɛ bɛ piɛ̃-bɔ la, Izirayeli minin lɛn yɔrɔ-a ǹ nə́ pɛ: «Wɔsɛn nə gána mɛn lɛ kɔ kɔn wɔ́ ga a ganaa, a na a minin bii.

Minin nimi 21:25

Izirayeli minin lɛn nə́ Amɔɔrɔ tɔrɔn kiwin tumaa si, ǹ nə́ giã ǹ nɛ. Ǹ nə́ giã Ɛsibɔn kiwi dɔ nɛ, ka a kiwi bisinin tumaa nɛ.

Minin nimi 32:13

Muizu mà bɛ lɛ n ke, Dɛnaa Lawa foo yoo Izirayeli minin lɛn li á ǹ kaa birin bɔ ganaa lɛ̀ pusi, diə gole gɔ́ɔ̃ nɛ, yǎa bɛa biikoo lɛ a minin tumaa gã ǹ nə́ nya. Sii mɛn bɛ́ a ba Dɛnaa Lawa foo sii wa, bɛa biikoo lɛ a minin man nə́ bɛ zɛnaa.

Nya ǹ dín 13:18

Lɛ̀ pusi miã gɔ́ɔ̃ nɛ, á ǹ too don bii.

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Timəə dí-pɛn 1:39

Kaa nɛnyaanan kɛn lɛn ká goã pii, mà kaa boomala wolen tá re ǹ goɛ ǹ wo ǹ ne, kaa nɛgiĩn mɛnɛn lɛn nə́ ke, ǹ ba sii bǐɛ̃ laanka a baraa bɔkɔnlɛ doɛ̃ bɔrɔ wa, bɛn tá re we. Man die gána lɛ koe bɛn la, bɛn man die gána lɛ sii, ǹ baa ǹ wɔ lɛa.

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Zozoe 13:4

A n siɛ gusin a lɛ̀gɔn la ganaa, Kanaan minin gána kɛ tumaa ka Meyaraa kiwi kɛ nɛ Sidɔn minin wɔ lɛa yǎa Afɛki kiwi, a wo kaa Amɔɔrɔ tɔrɔn gèlè lɛ.

Zozoe 24:8

Bɛ kio, má daa ka nɛ Amɔɔrɔ tɔrɔn gána nɛ, ǹ mɛnɛn lɛn bɛ́ giã-n Zurdɛ̃ tà kio, lɛ̀giala-n. Amɔɔrɔ tɔrɔn lɛn nə́ zia baa ka ganaa. Sɛnɛ, ma din ni má Amɔɔrɔ tɔrɔn lɛn wɔ ka gɔn, ka tɔ́n boo ǹ la, ká ǹ gána si. Ma din ni má ǹ dɛ, má ǹ bɔ ka nyɛɛnɛ.