Amɔɔsi 1:6 - LAWA A BOO SONBORE 2011

⁶ Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

LAWA A BOO SONBORE

⁶ Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

Amɔɔsi 1:6 ပူးပေါင်းရင်းမြစ်များ

KZS2 28:18

Ka bɛ dɔ nɛ, Filisiti minin nə́ wɔ *Sefelaa a nyankɔrɔ lɛ kiwin ni, ka Negɛvu wɔn nɛ. Ǹ nə́ Bɛti-Semɛsi kiwin kũ, Ayalɔn nɛ, Gederɔti ni, Sokoo ne ka a lɛkoro-a kiwin ni, Timinaa nɛ ka a lɛkoro-a kiwin ni, Gimuzoo ne ka a lɛkoro-a kiwin ni. Ǹ nə́ giã walan.

Zeremii 47:1

Dɛnaa Lawa boo da Lawa a boo gii-dali Zeremii ni, Filisiti minin wɔ paǹ li. A bɛ́ n zɛnɛɛ, bɛ̀ Eziptin kii tɔn yoo Gaazaa gialaa wa.

Ezekieli 35:5

A giala, ka dinin Edɔmu minin lɛn man ká goã Izirayeli minin lɛn biɛ zɔ́ɔ duduu. Sii bɛ́ á Izirayeli minin lɛn yɛ ǹ mɛn pinaa, ma bɛ́ má ǹ sii baraa lɛ a dɔlɔ bɔ ǹ ganaa ǹ mɛn pinaa, ka n ká n gɔn kũ bɛ lɛ ganaa, ká Izirayeli minin lɛn dɛ.

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:7

Ma á re tɛ kiɛ Gaazaa kiwi a kungɔnɔn kɛn ganaa, tɛ á re duru ǹ bǎã kakan kɛn kuĩ.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Abdiasi 1:11

Tiin bɛ́ ǹ nə́ daa kɔ Zeruzalɛmu lɛ ǹ mɛn pinaa, a pinaa, táa ka n ká golee tìãlɛa. Tɔrɔ kɔsɔn bɛ́ ǹ mànan goɛ ǹ gii kɔn ǹ mɛn pinaa, a pinaa, táa ka dɔn man ká kaa kunun ǹ ni, ká zɛnaa miɛ̃.

Zakarii 9:5

Bɛ̀ ǹ nə́ bɛ yɛ, nyɛ́ɛ á re Asikalɔn kiwi kuĩ, Gaazaa gɔ̀nɔn tá re bìn diɛ nyɛ́ɛ gɔn. Foo doa ǹ bǎã ba Ekrɔn la wa, kii ba re yii Gaazaa doo wa, min ba re goɛ̃ Asikalɔn kiwi-n wa.

Nya ǹ dín 8:26

Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»

Samayeli1 6:17

Filisiti minin lɛn nə wúlu mànan mɛnɛn kɔ Dɛnaa Lawa la, ǹ sii baraa sawaa ǹ wɔn lɛa bɛn nə́ ke: Asidɔdi kiwi wɔ n goon, Gaazaa kiwi wɔ n goon Asikalɔn wɔ n goon, Gaati wɔ n goon, Ekrɔn wɔ n goon.