Amɔɔsi 1:1 - LAWA A BOO SONBORE 2011

¹ Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

LAWA A BOO SONBORE

¹ Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

Amɔɔsi 1:1 ပူးပေါင်းရင်းမြစ်များ

Samayeli2 14:2

Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

Kiin1 19:19

Bɛ kio, Yilii kiɛ̃ á n bɔ walan, á woo Saafaati a nɛgiĩ Yiliizee yaa, bɛ̀ á ke diin buu kɔsɛ. Buu kɔsɔ ǹ dii fuəwensii na á goã a li. A din na á goã buu lɛ kɔsɛ ka dii lɛ a màn paa giala nyɔmɛɛn kɛn nɛ. Yilii kiɛ̃ Yiliizee genli, a ná a dɔnkɛ gole bɔ, á zũ Yiliizee la.

Kiin2 14:21

Zudaa gána a zaman lɛ tumaa Azaria kũ ǹ nə́ baa kii lɛa ǹ di Amasiya bǎã nɛ, bɛ̀ a lɛ̀ fulusɔrɔ nɛ.

Kiin2 14:23

Zoasi a nɛgiĩ Amasiya lɛ Zudaa gána a kii lɛa, bɛa kiibaa lɛ̀ fulusooro baa ǹ wɔ, Zoasi a nɛgiĩ Zeroboamu Izirayeli gána a kii baa, lɛ̀ pusiwengoon Samarii kiwi.

KZS2 11:6

Bɛtlehɛmu ni, Etamu ni, Tekoa nɛ,

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Bɔ bɛ̀rɛbaa nɛ 3:1

Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.

Izayii 1:1

Boon kɛn man Amɔsi a nɛgiĩ Izayii a sii yɛn lɛa, Zudaa gána laanka Zeruzalɛmu kiwi a paǹ li. Bɛa sii yɛn lɛn biikoo na á kɔnpɛ kii Oziasi a biikoo ne, Zoatamu wɔ nɛ, Ahaazi ni ka Ezekiasi wɔ nɛ, Zudaa gána mìi la.

Zeremii 1:1

Ilkia a nɛgiĩ Zeremii boo mɛn da, bɛn man kiɛ̃ nɛ sɛ́wɔ kɛ nɛ. Zeremii na á goã Lawa a wúlu-bɔlen kion min lɛa, ǹ nə́ giã nɛ Anaatɔti, Bɛnzamɛn a tanlɛ minin gána nɛ.

Zeremii 28:8

«Lawa a boo gii-dalin nə́ goã ǹ tan haalɛ bibi n laanka masɛ nyɛɛnɛ. Ǹ nə́ boo da gána gigiã wɔ paǹ li ka tɔrɔ yii guguru-an nɛ. Ǹ nə́ boo da ǹ nɛ zia wɔ paǹ li, koe ne ka piɛ̃ busu ni.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Zeremii 7:27

Nsɛ Zeremii, n die n bɛ tumaa pɛ ǹ nɛ. Sɛnɛ, ǹ ba re n too koe n lon wa. N tá re ǹ bíi, sɛnɛ ǹ ba re n nyii wa.

Ozee 1:1

Kɛ n Dɛnaa Lawa a boo lɛa, á pɛ Beeri a nɛgiĩ Ozee ne, Izirayelin kii Zoasi a nɛgiĩ Zeroboamu a kiibaa biikoo li. A na á kɔnpɛ ka Zudaa gána a kiin kɛn dɔn gogoonmaa a kiibaa biikoo ne: Oziasi wɔ nɛ, Zoatamu wɔ nɛ, ka Ahaazi laanka Ezekiasi wɔ nɛ.

Amɔɔsi 7:14

Amɔɔsi tɔ́n Amasiya lɛ si á pɛ nɛ: «Ma bie ma goã Lawa a boo gii-dali lɛa wa, ma bie Lawa a boo gii-dali tɔrɔ dɔ din lɛa wa. Man má goã tɔɔn-lɛduə̃li lɛa, da nɛ-kɔlen nə́ goã ma lon.

Misee 1:1

Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 4:18

Yezu bɛ́ kiɛ̃ Galilee tà lɛ-a, á dɔɔ̃ngiĩ min paa yɛ, ǹ nə́ zɔ̀-kũlin lɛa: Ǹ bɛ́ Simɔn mɛn bíi Piɛrɛ, bɛ laanka ǹ dɔɔ̃n Andre ne. Maǹ nə́ goã zɔ̀ɔ zuĩ tà mu li, ǹ nə́ zɔ̀ kuĩ.

Korɛnti1 1:27

Sɛnɛ, min mɛnɛn bɛ́ gàãnaan lɛa kanaa minin yɔrɔ-a, Lawa na á bɛn lɛn bɔ, á sìi diɛ kanaa a sii-dɔ̃lin ganaa nɛ; min mɛnɛn bɛ́ pàãwɛɛnaan lɛa, Lawa na á bɛn lɛn bɔ, á sìi diɛ kanaa a pàãdɛnan ganaa nɛ.