Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Abdiasi 1:18 - LAWA A BOO SONBORE 2011

18 Ezawu tɔrɔn kɛn ka buu bɛ́ lɔn, Zakɔba tɔrɔn kɛn tá re tɛ biɛ bɛn ganaa, Zozɛfu tɔrɔn kɛn tá re tɛbuə̃ biɛ ǹ ganaa, ǹ tá re ǹ kuĩ, ǹ nə ǹ nya lenlen. Ǹ min goon yii a die goɛ̃ koo wa. Ma din Dɛnaa Lawa n má pɛ.

အခန်းကိုကြည့်ပါ။ ကော်ပီ

LAWA A BOO SONBORE

18 Ezawu tɔrɔn kɛn ka buu bɛ́ lɔn, Zakɔba tɔrɔn kɛn tá re tɛ biɛ bɛn ganaa, Zozɛfu tɔrɔn kɛn tá re tɛbuə̃ biɛ ǹ ganaa, ǹ tá re ǹ kuĩ, ǹ nə ǹ nya lenlen. Ǹ min goon yii a die goɛ̃ koo wa. Ma din Dɛnaa Lawa n má pɛ.

အခန်းကိုကြည့်ပါ။ ကော်ပီ




Abdiasi 1:18
23 ပူးပေါင်းရင်းမြစ်များ  

Á pɛ kii ni: «Dɛnaagiĩ, n baran ga maa sii baraa kɛ-a wa. Ń bɛ́ soe Zeruzalɛmu ǹ mɛn pinaa, masɛ sii mɛn la n la, bɛ bɔ, n bɔ n yiri ni. N nyan bɛ toa n gɔ́ɔ̃-n wa.


Zaman lɛ nə́ n pɛsɛ̃ Ezipti gána paǹ tumaa ganaa, ǹ nə́ ǹ tii ma ǹ buu lɛ goɛ.


Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.


Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.


Á ke, maǹ die goɛ̃ ka buu gere bɛ́ lɔn, tɛ n die kuĩ. Ǹ ba re kanbiɛ tɛ ganaa wa. Nyɔɔ tɛ bie gɔ̀nɔn wɔ̃ ǹ wɔ lɛa wa, tɛn gɔn lɛ bie bɛ̀ ǹ giã tán a yɔrɔ-a wa!


Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.


Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.


Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:


Ma bɛ́ re yui Anaatɔti minin gialaa lɛ̀ mɛn-a, ma koe da ǹ mìi ni, min kɔn ba re goɛ̃ a yii n koo wa.»


– Minbuiin a nɛ, gɔn lɛkoro saa, n kɛ kiɛ̃ a ganaa kɛnɛn: «Zudaa tɔrɔn laanka Izirayeli tɔrɔn mɛnɛn bɛ́ kun.» Gɔn lɛkoro kɔsɔ saa, n kiɛ̃ bɛ ganaa kɛnɛn: «Zozɛfu tɔrɔ Efrayimu a minin laanka Izirayeli tɔrɔn mɛnɛn tumaa bɛ́ kun.»


n die n pɛ ǹ nɛ, mà masɛ Dɛnaa Lawa n kɛ pii ǹ ni: «Gɔn lɛkoro mɛn bɛ́ Zozɛfu wɔ lɛa, a nɛgiĩ Efrayimu tɔrɔn laanka ǹ tá-kun wole Izirayeli tɔrɔn kɛn gɔn, man die bɛ siɛ ma naa kɔn ka gɔn lɛkoro kɛ nɛ, ǹ mɛn bɛ́ Zudaa tɔrɔn wɔ lɛa. Ma á re ǹ biɛ gɔn lɛkoro goon, ǹ tá re goɛ̃ goon ma gɔn.»


Maǹ paparɛ kelen koe kɔn, ǹ wuu n ka ziabaa ǹ fɔlɔ wotoro wuu bɛ́ lɔn, ka tɛ wuu bɛ́ lɔn buu gere kuĩ. Min kakan manɛ ǹ nə́ n yɔrɔ bɔ ǹ nə́ woe zia la.


Min mɛn lɛ á ke pàã la Asidɔdi kiwi, ma á re bɛ dii ma bɔ walan kiibaa lɛ bɛ́ min mɛn gɔn Asikalɔn, ma á re bɛ dii ma bɔ walan. Ma á re sii nyɛɛ Ekrɔn minin kɛn yii ni, Filisiti minin mɛnɛn bɛ́ re goɛ̃, ma á re bɛn dɔn dii lenlen. Dɛnaa Lawa na á pɛ miɛ̃.


Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.


Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.


Kasɛn Izirayeli minin kɛn, ká ma gɔn lɛ yɛ maa kele sonbore kɛ la. Man die boe tɔrɔ kɔsɔn lɛn dɔn yii-n miɛ̃ duduu. Ma gɔn tá re miɛ̃ ǹ ganaa, á re doe ǹ yii li. Min din ba re doɛ̃, mà ǹ nə́ goã ǹ tan wa.


N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.


Maǹ ka nyan da mɛn nə́ ke, we-n kɔn nɛ, ǹsɛn yɔ-mili baraan kɛn lɛn. Maǹ die kui lenlen ka buu gere bɛ́ lɔn.


Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.


Ta min mɛn màn dɔ bɛa gòã-daa kɛ lɛ la, ka sana nɛ, ka wɔrɔgiala nɛ, ka gɛ̀fu sonbore ne, ta gɔn nɛ, ta buu ni, ta làpaa nɛ, ǹ tumaa á re yii foaãnɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ