Abdiasi 1:10 - LAWA A BOO SONBORE 2011

¹⁰ Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

LAWA A BOO SONBORE

¹⁰ Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

Abdiasi 1:10 ပူးပေါင်းရင်းမြစ်များ

Siin Giala 27:11

Zakɔba nə́ ǹ dan Rebeka lɛ si kɛnɛn: «Táa Ezawu n min kadɛnaa lɛa, ka bɛ́ a ba masɛ ganaa ka Ezawu bɛ́ lɔn wa.

Siin Giala 27:41

Ezawu Zakɔba baa zɔ́ɔ, ǹ di a lɛn bǐɛ̃ bíi li lɛ taman yii. Á pɛ a din gɔ́ɔ̃-n kɛnɛn: «Maa díi lɛ a gɛ̀ dɔ á nya. Bɛa pinaa, man die ma diɛ̃ Zakɔba dii.»

KZS2 28:17

Edɔmu minin man nə́ daa zia baa Zudaa gána ganaa doo, ǹ nə́ minin goa kòso nɛn lɛa, ǹ nə́ woo ǹ ne.

Loen 109:29

Barka nə́ n bɔ ma zɛ̀rɛ-baalin lɛn nɛ, sìi nə́ ǹ kũ babaraa nɛ, ǹ ba n sii la doɛ̃ wa.

Loen 132:18

Man die sìi dɔnkɛ we a zɔ́ɔn kɛn ganaa. Sɛnɛ, man die gɔlɔbaa ǹ bafolo we asɛ mìi ganaa.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Loen 69:7

Dɛnaa Lawa Pàãyiidɛnaa, min mɛnɛn foo bɛ́ doa nɛ n ganaa, n baran toa ma sìi da ǹ màn baa bɛn ganaa wa. Ma baran puusə kɔ wɔ n gamali wolen ganaa wa. Izirayeli a Lawa! Man bɛ nyankoe n la.

Loen 89:45

Ń ná a kiibaa ǹ zín kɛ si la, ń ná a kii dankan lɛ kuməə tán.

Suusun 10:6

Maǹ Lawa bǐɛ̃ bíi min sonbore li, sɛnɛ kakaarɛbaa n durii ni sii baraa-zɛnaalin da ǹ boon kio.

Suusun 17:5

Min mɛn bɛ́ yaa we doobaa ganaa, a n sɔ koe ǹ zɛnaali ganaa. Min mɛn bɛ́ n nyɛnyɛɛ ka ǹ miãn koe ne, dɔlɔ á re n boe ǹ dɛnaa ganaa.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 49:13

Man liɛ kɛ we, ma din Dɛnaa Lawa: Bosraa kiwi kɛ á re kɛbɔlɔ biɛ, a diə gole baa. Ǹ tá re biɛ sii a kɔnboe lɛa lɛn baraa bíi a paǹ li hinlaa bɛ̀ ǹ tá li ǹ sìi da min ganaa. A lɛkoro lɛ-a kiwin kɛn tá re kɛbɔlɔn biɛ, yǎa duduu. Dɛnaa Lawa a da ǹ boo ne.»

Zeremii 51:51

Wɔ bɛ́ wɔ́ sɔ kɔn kɛn ma, sìi wɔ kũ. Tiin bɛ́ ǹ nə́ kaa Dɛnaa Lawa a kion a bǎã sonbore kɛ nɛ, sìi na á n kɔ wɔ lɛ.

Busii pɛ 4:21

Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Busii pɛ 4:22

Siɔn kiwi, n dɔlɔ lɛ nya kəni. Lawa a re woe n ne bɛ̀rɛbaa ǹ bǎã-n doo wa. Sɛnɛ, nsɛ Edɔmu, Dɛnaa Lawa á re n sii baraan dɔlɔ boe n ganaa. Á re n sii baraan lɛn nyɛɛ bii-a panparaan nɛ.

Ezekieli 35:9

Ma á re kaa gána lɛ biɛ diə gole lɛa yǎa duduu. Min din ba re boe la a giã kaa kiwin kɛn nɛ doo wa. Ǹ tá re doɛ̃ kəni, mà ma din nə Dɛnaa Lawa lɛa.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Timəə dí-pɛn 23:7

A ka toa kanaa kɛ nɛ, ka nyan toa ka ga bɛa tɔrɔ màn paa kɛ lɛ a là nyantoro laanka a yii-nyɛɛ yɛ li duuduu wa.

Timəə dí-pɛn 23:8

Ka nyan toa Edɔmu minin kɛn tìĩ bɔ ka nyin ni wa, a giala, ka dɔɔ̃nɔn manɛ. Ka nyan toa Ezipti minin kɛn tìĩ bɔ ka nyin ni wa, a giala, ka n ká goã gùlin lɛa ǹ gána nɛ.