Abakuku 3:18 - LAWA A BOO SONBORE 2011

¹⁸ Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

LAWA A BOO SONBORE

¹⁸ Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

Abakuku 3:18 ပူးပေါင်းရင်းမြစ်များ

Samayeli2 6:15

Davida laanka Izirayeli minin lɛn tumaa woo ka Dɛnaa Lawa a lɛ kɔ kɔn la ǹ goo lɛ nɛ Zeruzalɛmu. Maǹ nə́ goã foo kɔɔ̃nbaa ǹ lɛ dii bɛ̀ ǹ nə́ bɛn pii.

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 25:5

N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 33:1

Min peperen lɛn, ka n lɛ dɛ, ka n nyɛnyɛɛ Dɛnaa Lawa ganaa. Min mɛnɛn gɔ́ɔ̃ bɛ́ fu, a gugurukɔ n niɛ̃ bɛn lɛn ganaa.

Loen 85:6

N foo die busi wɔ li miɛ̃ biikoo tumaa li, n foo n yoo-n wɔ li yǎa duduu?

Loen 97:12

Min peperen lɛn, ka n nyɛnyɛɛ Dɛnaa Lawa lɛ taman yii, ka a gugurukɔ, bɛ̀ ka tá a siĩnbaa lɛ pii.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Luku 2:30

A giala, ma yii yɛ, n ná a giala kɔ n tá n minin nyin si ǹ dí lɛ nyɛɛ kəni.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Zaaki 1:2

Ma dɔɔ̃nɔn lɛn, ka bɛ́ nɔmaa tɔrɔ mɛn tumaa we, ka toa ka n nyɛnyɛɛ bɛ gɔ́ɔ̃ nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.