Abakuku 3:13 - LAWA A BOO SONBORE 2011

¹³ N soo n tá n zaman kirisibiɛ, ka min mɛn bɛ́ n bɔ n koa n wɔ lɛa. Man min baraan kiã yɔyɔrɛ, n na a kion ziziɛ̃ lenlen. Doa

LAWA A BOO SONBORE

¹³ N soo n tá n zaman kirisibiɛ, ka min mɛn bɛ́ n bɔ n koa n wɔ lɛa. Man min baraan kiã yɔyɔrɛ, n na a kion ziziɛ̃ lenlen. Doa

Abakuku 3:13 ပူးပေါင်းရင်းမြစ်များ

Samayeli2 5:20

Davida woo Baali-Perasimu, á boo Filisiti minin lɛn la walan. Davida tɔ́n pɛ: «Dɛnaa Lawa na á masɛ a zɔ́ɔn sawaa á ǹ bɔ ma nyɛɛnɛ ka tà na á toɛ̃ a mu n baa sii.» Bɛ lɛ na á toa ǹ nə́ tɔ́n bɛa bǎã lɛ tɔ kɔ: "Kaa ǹ bii ni ǹ bǎã".

Loen 105:15

Ka baran n gɔn da maa yii-gɔgoɛ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Loen 110:6

A din nə kiri we tɔrɔ kɔsɔn kɛn ganaa, a kiin yɔyɔrɛ kanaa paǹ tumaa ganaa, geren man goɛ̃ dere-n kɔn la.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Loen 20:6

Bɛa biikoo li, wɔ á re n lɛ dii wɔ n nyɛnyɛɛ n gɔ̀lɔ̀baa kɛa lɛa, wɔ á re zanzan diɛ lon ka wɔa Lawa tɔ nɛ. N bɛ́ giɛ màn mɛn tumaa li, Dɛnaa Lawa die a bɛ kɔ n la.

Loen 28:8

Dɛnaa Lawa din na a minin kɛn pàã lɛa, a kii mɛn bɔ á koa, a din pàã n bɛ kirisibiɛ.

Loen 68:7

Minin mɛnɛn bɛ́ ǹ nə́ ǹ loo, Lawa n kùsì koɛ bɛn nyɛɛnɛ, a ǹ kũ doɛ̃. A tá ǹ kiɛ a ǹ bɔ kòso-n, a foo kɔɔ̃nbaa kɔ kòso nɛn la. Sɛnɛ, Lawa lɛ-tiilin kɛn, bɛn man goɛ̃ bǎã gere ne.

Loen 77:20

Ń nə́ n kiɛ̃ ǹ zii bɔ kɔ̀ mu bii, ń bɔ mu zuzulun bii, min kɔn dɔ boo la, á n gòɛ̃ yɛ wa.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Izayii 63:11

A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Ezekieli 13:14

Ka kungɔn mɛn lɛ tɔrɔ, ma á re nyɛnɛɛ ma duwəə tán, a gòã daa ǹ bǎã kɛ yɛ kanaa. Kungɔn lɛ á re kiɛ, ka dinin tá re papaɛ̃ a bii walan. Ka á re doɛ̃ ka bɛ lɛ-n kəni, mà ma din nə Dɛnaa Lawa lɛa.

Amɔɔsi 9:1

Má maa Dɛnaa yɛ golee-n lon *wúlu bɔ ǹ bǎã kɛ lalan. A na á goã kɛ pii: «Bìbìn kɛn mìi yiyiɛ, kiɛnlɛn kɛn nə bìn dada. A wuru a n kɔ ǹ tumaa lɛ. Ta ǹ mɛnɛn nə́ la, ma á re bɛn dii ka gɔya sa nɛ. Ǹ kɔn ba re boe la a baa si a la wa, ǹ kɔn ba re n boe a-n wa.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:24

Ǹ bɛ́ ǹ nə́ ǹ waa ǹ nə́ daa ǹ kɔ Zozoe la, Zozoe tɔ́n lɛ dia Izirayeli minin lɛn tumaa la. Zia-baalin goledɛnan mɛnɛn nə goã ǹ nə́ tɔ wɔ ǹ nə́ woo kun ni, á tɔ́n pɛ bɛn manɛ: «Ka n zɔ̃ ka da kànaa, ka n gòãn kaa kiin kɛn wìi la.» Ǹ nə́ n zɔ̃ ǹ nə́ dɔ, ǹ nə́ n gòãn kaa ǹ wìi la.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 11:12

Zozoe bɛa kiin lɛn tumaa a kiwin kũ kɔnlɛ ka ǹ dininmaan nɛ. Á kiin lɛn laanka kiwi minin lɛn dɛ lenlen, ka Dɛnaa Lawa a dí-nyali Muizu goã á pɛ mà ǹ zɛnaa lɔn.

Zozoe 11:8

Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.